22
5
6
港鐵荃灣站 B1 出口, 步行約4分鐘 繼續閱讀
電話號碼
24089355
營業時間
今日營業
09:30 - 19:30
星期一至日
09:30 - 19:30
*疫情關係 暫停堂食
付款方式
支付寶 現金
座位數目
12
其他資料
Wi-Fi
酒精飲品
自帶酒水
電話訂座
外賣服務
加一服務費
招牌菜
滷水鴨
食評 (37)
等級4 2021-09-14
461 瀏覽
大前日 (11-9-2021 Sat)晏晝同老公喺旺角攞完月餅後,由於天氣太熱,都係即刻返屋企穩陣,但又要諗晚飯食乜,諗起呢間重有好多滷水內臟,於是咗買,見到好多人買完等攞嘢,我就睇餐牌揀食咩嘢,見到有$14.00嘅扎肉,就想要呢樣.排到我時,我就決定要扎肉,但收銀話冇,咁就要$80.00嘅鵝腸(4兩),$10.00一件嘅豆腐要兩件同$22.00嘅豬肚.買完等咗一陣就切好晒攞得,同樣都跟咗滷水汁同醋各一,返到屋企打開睇,份量幾多,我就分返開3樣嘢啦,原來滷豆腐都唔少,豬肚唔多.我偷食先,鵝腸同豬肚都爽口夠味,甚至係鹹,完全唔使再蘸滷水汁食;豆腐就清淡啲,口感係實.其他:繼上次滷水鴨有連刀後,今次鵝腸都有. 繼續閱讀
(以上食評乃用戶個人意見 , 並不代表OpenRice之觀點。)
等級7 2021-05-11
1979 瀏覽
早陣子細妹同一啲細細個喺西環大嘅朋友傾開計,原來二十幾年前喺堅尼地城北街果間滷水鵝店因為舊樓清拆重建結業後,靜悄悄山長水遠搬到去荃灣重新開業,而且漸漸在荃灣川龍街打出名堂。到了今天,已經成為荃灣街坊的人氣斬料加餸潮州鹵水鵝店。唔清楚底蘊嘅人只會以為小店於荃灣創業20年左右;事實上,小店歷史超過40年,只不過前20年一直在堅尼地城舊區開舖。講起上來有啲慚愧,小店扎根於堅尼地城的那些年,一直沒有留意舖頭名字;直至小店因為拆樓而結業,也不知道其名字!到了由第二代經營的荃灣店,終於見到大大個招牌「永騰」;心底不禁起了問號,到底堅尼地城老店的年代,名字是否一樣?今日係第一次幫襯,碰巧又是母親節,斬料加餸嘅人龍更加長,冇機會同老闆吹水。聽細妹講,上次去開荃灣第一次幫襯時,趁唔係太多人同老闆傾了一陣計,證實了真係那些年的堅尼地城北街滷水鵝店!今次可以再度回味消失了超過20年的味道。街坊小店當然唔會有裝修,不過門口就䀡了三張明星合照。其中一張係同老闆同小儀及金剛幾年前主持某飲食節目時的合照;另一張就是發哥。好難想像發哥會山長水遠走去荃灣買滷水鵝,唔知道係唔係專程入去?滷水鵝價錢一向唔便宜($146/斤),難得此店有齊鵝翼、鵝掌、鵝腎、鵝肝、鵝腸、鵝紅,尤其最後四樣美食,特別是鵝紅,其他滷水鵝店近年也越來越少有得賣,相信這也是變成長龍店嘅原因之一。滷水豬耳($16/件)浸滷水夠入味,表層軟糯、帶點膠質;咬下去就是豬耳軟骨的爽脆。好味。1/4隻滷水鵝要了上庄,因為下庄太多肥膏肥油。鵝皮爽滑,但味道稍為偏淡,一定要蘸滷水鵝汁。滷水及不上記憶中那些年的堅尼地城老店,新店的滷水味道夠鹹,但就稍嫌滷水膽的香料香氣偏淡。鵝肉切成薄件,味道同樣偏淡,也要蘸滷水鵝汁。肉質未夠軟,但這也是正常情況,與其他出名的滷水鵝斬料外賣店比較,質素其實不相伯仲。如果要滷水鵝肉質鬆軟,一係揀較肥膩的下庄;一係將上庄起肉、然後用刀身拍鬆、之後切成鵝片,只是外賣滷水鵝店一般不會花時間幫客人切鵝片。大鵝翼($45/隻)賣晒,只餘下細鵝翼($14/隻)。滷水浸煮時間拿捏準確,鵝翼骨骹關節一咬就脫離。鵝翼皮較鵝身皮更薄更滑,滷水滲入鵝翼內,更入味。雖然肉少,細鵝翼更甚,但鵝翼肉勝在嫰滑。「永騰」可以成為荃灣的人龍滷水鵝外賣店,果然有原因。今日試了三款滷水物,出品質素平均;同市區其他滷水鵝外賣名店比較,不相伯仲,不只是依賴周潤發先生曾光顧的合照。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-26
1294 瀏覽
近幾年發現屋企附近有間幾好味嘅潮州菜餐廳,一食就俾佢嘅滷水香同自製醋汁深深吸引住。上個月經過荃灣,咪幫襯下呢間老字號,話晒由細食到大。都係買大鵝翼,鵝腸,豆腐果D啦!點知一食落口。。。。嘩!完全無滷水味,咩花椒八角基本野無晒,得個咸字!個醋汁,就係一個白醋汁。成個滷水併盤加埋一齊,就得咸味同醋酸味。再者,佢個鵝翼同豆腐完全唔入味,好似係咁煮熟咗加D有咸味嘅色水上去,豆腐又乾。算,諗住一時失手啦,今日再去買多次鵝翼,腸,肝同豆腐。真心火,又係咁,得個咸字,又乾又老。食食下都無胃口,真心唔明點解質素差咗咁多。對唔住喇,以後唯有blacklist 你 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-14
984 瀏覽
今日頭頭踫着黑,原本預約了的事做不成,搞到要流浪街頭幾小時,仲得閒到寫埋食評😂呢度附近有多間鹵水店,見呢間門口最陳舊,又有幾個老人家在幫襯,相信可以透過老店享受「懷舊」的味道。成盒鵝我懶得拎,冇訂坐就唔想「鄰骨」...看見原隻鵝肝仔細細,易拎又易吃,但25大元有點不捨,回想平時西式的,一片都同佢一個差唔多大,不過細....係咪即係「人道啲」?冇專登去谷肥谷死隻鵝呢?比咗錢之後,鵝肝切件了,看起來比原隻時大份咗,又覺得25唔貴,吃得飽喎。第一次吃中式的,第一啖覺得好咸(可能我冇餸飯就咁食)。中式肝質比較西式「結實」,細細啖當零食都係幾好食,鹵水夠老,下次想試吓隻鵝。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-13
895 瀏覽
我今日約在17:15喺呢間店買咗一份下庄鹵水鵝同埋一個頭頸,因為呢間店係做外賣嘅關係,當食晚飯時,發現我原先買嘅下庄變咗上庄,因為上庄係比下庄平好多,喺價錢上已經呃咗,而且份量亦都比原先嘅上庄少好多,即係雙重呃,呃錢又呃秤,我想話畀大家知呢間店,個師傅如果斬嘅話就會有機會呃。 繼續閱讀
(以上食評乃用戶個人意見 , 並不代表OpenRice之觀點。)