棋哥燒鵝餐室

營業中

休息中

這段日子並不是間間圖書館都開，今日同阿女到港島區中央圖書館走走看，再到維多利亞公園逛逛，差不多黃昏時段，老公都放工快回到家，未買餸，想起《棋哥》在附近有分店，老公喜歡燒味，就這個吧！燒鵝拼燒腩飯~想食燒鵝又想食燒腩，來個雙拼飯，這店的燒鵝有獨特的炭燒味，連盒飯都有這一陣炭燒香氣，飯的份量好足夠一家三口夜晚食量， 阿女主力，大人小食。盒一打開已經忍唔住要偷食，鵝皮香脆 ，鵝肉嫩滑，近骨位更好食。今次的燒腩比較肥美，阿女話滑捋捋啖啖香口，超正！棋哥白切雞(半隻)~老公見到白切雞急不及待去雪櫃拎罐冰凍啤酒，點都要啤一啤啦。半隻雞嘅份量都不少，斬件大細適中，雞髀最大嗰件讓咗畀阿女，其實雞背先係我杯茶，有皮有骨有肉最正。最後提提大家，外賣時可以走塑，對環境好一點，你我做得到。今次係我話事要食燒鵝、雞同燒腩，阿女話下次佢想食叉燒。