火間土 (已結業)

第二次嚟食。上星期五一行五人嚟食，俾得間四人房。叫咗炸蠔、軟腳蟹壽司卷，兩樣都幾好。個唔知乜鬼凍豆腐好似隔夜餸咁。個唔知乜嘢蛋薄餅好似芙蓉蛋咁。白汁蟹肉飯好味，魚生飯亦唔錯。鵝肝壽司令人失望。上一次嚟食覺得好好味，今次啲鵝肝太薄，煎到入面都乾埋。紫蘇牛脷鐵板燒幾好味。另外叫多兩串串燒。甜品叫咗抹茶tiramisu，味道唔錯，比抹茶布甸好。同事叫咗小雪，入面有蕃薯，另外仲有抹茶蕨餅。唔記得俾幾多錢，不過唔使同啲九唔搭八人坐埋一齊食飯，有啲錢當係俾房租啦。