和昌潮味館

營業中

休息中

同細女去花墟買嘢，先去附近食個午餐。之前睇YouTuber有介紹過呢間潮州嘢。鵝三味同牛面珠都好似好吸引，今日喺附近一於試吓。我order了一個鵝三味飯，先上一碗湯，幾特別，唔知係咩藥材煲，好飲。鵝三味飯：有5-6塊鵝肉係脾位，三片鵝肝及幾條鵝腸，仲有啲芽菜配菜。淡淡的鹵水味並不太突出，鵝肝超粉嫩，好滑。鵝腸食得出係新鮮，己去除肥膏，爽脆。鵝肉厚身啖啖肉。阿囡話想食粥，所以叫了方魚肉碎粥，好多肉碎，裏面有少少方魚碎、西芹及芫荽碎，食落好清新。隨粥送了兩個韮菜粿及菜甫粿，煙煙韌韌幾好食。睇餐牌見到佢有好多潮州的餸菜，有機會夜晚約齊腳來試吓啲撚手菜式。