影片
更多
2016-04-05
2443 瀏覽
六点到達侍應即問要唔要烤鴨，因須時45分鐘烤，雖然未齊人也先落烤鴨單，十一大四小孩陸續於六時半抵達，十分鐘再落單其他八種食物，食物隨之先後送上，約七時烤鴨未到，再加單炒飯及粗炒，當時尚未追問烤鴨未來，侍應隨之送來烤鴨湯及烤鴨碎炒肉鬆，好奇一問侍應都未食鴨，何來湯及炒肉鬆，侍應淡淡然話佢地係咁嘅，當時都同朋友講食多年北京鴨，正路一般都係見鴨全相後再由㕑師片皮，吃過鴨後才上湯及肉鬆……大家也在討論下一回送來的鴨是否已經片好一碟上……妙飯粗炒等等都送來吃到七七八八，到七時二十分侍應收空碟烤鴨仍然未到，追問侍應佢仲問吓未到咩，幾分鐘後有人拎成隻鴨比我哋睇話烤好攞去排隧片，望過去片鴨枱有三隻排緊，等到七點三十八分，終於上鴨。隨即經理又話截單，要落甜品！！鴨還沒吃完，未到八時，己叫我們結賬。我們問經理有什麼卡有優惠，佢話我們十五人剛好没優惠，因優惠只做到十四人！真的不知所謂，我們結果八時零五分離場！！！😤😤 其實整晚都只有三份二席，未見滿座。不知何解美心集團可以有這樣的服務！！！！😠😠
張貼