寧記麻辣火鍋海鮮酒家 (已搬遷) 新店位置

作為第一篇食評，當然要選一間個人覺得比較有紀念價值的餐廳啦記得初初食寧記已是五六年前，當時的男友第一次帶我去尖咀呢間寧記，心情好自然食野都開心開胃啲啦！寧記亦是男友媽咪的至愛之一呢！自從果次之後從此愛上了鴨血！！ 一口咬落去滑滑的且湯汁必出來，真係諗起都流口水 以前甚至會外賣一份鴨血加麻辣湯底返屋企打，但食完洗碗就麻煩了  所以都係堂食算了！ 今年再次光臨卻發現銅鑼灣同旺角已經執左，淨返尖沙嘴呢間老字號，而且多了飲品任飲食物方面，其實本小姐是一向不會光顧任何任食火煱的！一來本人對食物質素絕對有要求，二來本人食量實在太少，寧願比多啲去食好啲衛生方面，呃，畢竟不是新開又沒有翻新過，像是老茶樓吧！食過咁多次都冇肚痛既～服務方面，因為男友是熟客仔，所以不夠客觀不評論了食寧記實在只為寧記三寶之中的鴨血和肥腸而來，其他什麼肥牛牛丸之類的，質素是預計之內吧提一提大家，點麻辣湯底加湯後記得叫佢地加埋辣，如果唔係之後再食鴨血會變得水汪汪無晒味