影片
更多
2016-07-31
694 瀏覽
朝早去咗鴨脷洲做運動，返屋企途中經過金寶海鮮酒家，見到有個特價晚市四位用海鮮套餐。$228 有五道餸，仲附送甜品，好似好抵食，忍唔住book 咗檯，一於唔使阿媽煮晚飯，出街食。七點去到，行過聽到有一家人話D檯俾人book晒，即刻覺得好彩有book定。 （要去真係book定檯先好去）入到去，已經坐咗8成滿，好多一家大細來食飯。坐低咗，老細過來問我地book幾人，原本係四個，後尾剩返三個，老細即刻問可唔可以上二樓。我話無所謂，上到去先知上面係閣樓，樓底好低，有啲壓迫感。 照計劃叫咗四人套餐，有白灼活生蝦，竹笙海皇羹，蒜茸炒什菜，清蒸游水魚，秘制家妃雞。竹笙海皇羹麻麻地，好少竹笙，有幾粒蝦肉，菜心粒，主要係豆腐，蛋花，生粉整嘅湯，味道還好。不過＄228嘅套餐，個湯我都無expectation嘅。白灼活生蝦算新鮮，D肉夠實淨。蒜茸炒什菜真心正，有菜心，西蘭花，西芹，啲菜好甜。秘制家妃雞,個名好笑，咩叫家妃，唔明，咖啡貓啲 fd？笑還笑，但係成個餐除左菜最好味係呢個雞。似係走地雞，好瘦，唔同農場養啲肥雞。皮薄肉甜，皮肉之間仲見到有膠質啫喱，唔錯。清蒸游水魚都可以，普通平魚，出面買應該＄20到
七點去到，行過聽到有一家人話D檯俾人book晒，即刻覺得好彩有book定。 （要去真係book定檯先好去）
入到去，已經坐咗8成滿，好多一家大細來食飯。坐低咗，老細過來問我地book幾人，原本係四個，後尾剩返三個，老細即刻問可唔可以上二樓。我話無所謂，上到去先知上面係閣樓，樓底好低，有啲壓迫感。
照計劃叫咗四人套餐，有白灼活生蝦，竹笙海皇羹，蒜茸炒什菜，清蒸游水魚，秘制家妃雞。
竹笙海皇羹麻麻地，好少竹笙，有幾粒蝦肉，菜心粒，主要係豆腐，蛋花，生粉整嘅湯，味道還好。不過＄228嘅套餐，個湯我都無expectation嘅。白灼活生蝦算新鮮，D肉夠實淨。
蒜茸炒什菜真心正，有菜心，西蘭花，西芹，啲菜好甜。
秘制家妃雞,個名好笑，咩叫家妃，唔明，咖啡貓啲 fd？笑還笑，但係成個餐除左菜最好味係呢個雞。似係走地雞，好瘦，唔同農場養啲肥雞。皮薄肉甜，皮肉之間仲見到有膠質啫喱，唔錯。
清蒸游水魚
33 瀏覽
0 讚好
0 留言
芒果布丁
50 瀏覽
1 讚好
0 留言
＄228 性價比好高，值得一試。
題外話/補充資料：
二樓專門接待內地遊客團，一餐落來，已經有六檯客分兩round食完，走嗰陣仲來緊三檯，真心chur，遊客chur食，啲酒樓阿叔阿嬸仲chur，收檯擺檯係打仗咁。老細催出檯，個阿嬸大叫落樓下話三分鐘搞掂，出動摩打手，笑死我。另外個阿叔一路收檯一路呻：「所以話唔好做人，做人做到咁。唔做又冇得食。」其實佢都係呻下，語帶自嘲，聽得出佢唔係悲天憫人嗰啲。
(以上食評乃用戶個人意見 , 並不代表OpenRice之觀點。)
張貼
