金寶海鮮酒家 (已結業)

假期特意搭南港島線去鴨脷洲覓食，去到香港仔當然係試一試海鮮啦，朋友介紹之下一試金寶海鮮酒家，例牌會叫佢嘅海鮮啦，我哋就叫咗半斤蒜蓉蒸開邊蝦，蒸貴妃蚌，粉絲蒸扇貝，馬拉盞炒通菜，再加上粟米羹。呢幾樣野兩個人可以食得好飽，幾款海鮮都新鮮好味，滿意之作。入邊嘅枱唔多但係未到食飯時間都坐滿人應該都係幾受歡迎嘅。希望下次再試多啲其他款式嘅海鮮。員工亦好有線介紹邊隻海鮮今日啱食，整體上都是一間不俗的海鮮餐廳。

一坐低個女侍應就介紹海蝦， ＄25一両，佢話十両我哋就夠食。我哋一共四個人，成＄250一碟蝦，嚟到得十四五隻，仲要唔係好新鮮，淨係呢碟蝦已經比佢掠到一頸血，一隻蝦十幾廿蚊，一啲都唔值，又細隻又霉，賺死佢。我哋仲叫咗碟咕嚕肉，全部都係炸粉，一件大舊啲嘅肉都搵唔到。咁樣做生意都做到10幾年仲要坐滿人，全靠嗰啲水魚街坊撐佢，全場最好嘅就係一個＄88嘅雜菜粉絲煲。賣單＄680 ,冇得簽卡，張單嚟到乜都冇寫，我要求佢計俾我睇，雖然佢冇計錯，但係嗰碟＄250嘅屈機蝦已經令我badlist佢。

諗住同屋企人開開心心食餐飯，揀錯左餐廳。呢間餐廳主要問題：1. 食物選擇極少，普通既小菜/煲都無；2. 員工態度奇差，極無禮貌，特別個年紀最大既女侍應，超超超超超無禮貌；3. 食物唔好食唔洗錢都唔再黎。

今天假期特登嚟鴨脷洲搵食，經過金寶海鮮酒家,見門口大大個牌寫住$268特價海鮮四人餐，有灼蝦、栗米羮、蒸魚、炒菜及貴妃雞，好似好抵喎！雖然我地只得三人，都即刻推門入去試下！一坐低就點餐，誰知女經理立刻話....套餐沽清😰吓，未夠八點喎，咁....唯有散叫啦䜴椒炒花甲.....賣晒😵蠔仔肉碎粥.....中午至供應😵竹笙海皇羹......冇豆腐😵😰吓！中伏！最後隨便點了幾個小菜.....說好的咕嚕炸雞球呢......來了個咕嚕炒蝦球....我想食雞，所以叫女侍應幫忙換回炸雞球女待應取走了蝦球，不一會就回來了！她說𣎴用我們補差價，話蝦球貴雞球$20架，叫我們吃蝦球！心想，既然已經煮好，唔想浪費，當時酒家人不多，那就叫她放下吧！誰知那女待應一轉身，就聽到女經理在櫃檯前大大聲地說道：「就當豪比佢地啦！！」聽後，當堂火都嚟埋😡🔥落錯單，屈我食蝦球，重要俾說話我聽！我立刻叫女待應取走蝦球，更道：「我們不是付不起錢！」女待應當然不敢取回蝦球，當我們再三催促，女經理才施施然走到我們面前取回蝦球，更拋下一句，蝦球已經擺下太久，你們現在才退回，太不應該了！😨我地冇掂過碟餸，明屈！我地堅持不要，最後她只好黑面

今天聖誕日本想到赤柱廣塲享受個節日午餐但到處食肆都人頭湧湧， 於是就到鴨脷洲來個海鮮餐。鴨脷洲平静很多，見這酒樓門外魚池海鮮不錯，於是走進去座下，好彩人客不箅一太多。走到魚池叫了半斤白圴海中蝦，每両$22元。另叫一條清蒸金古魚，大約十三两售$400. 海中蝦味道十分好，蝦肉鮮甜又脆口，size 適中。條金古魚蒸得亦很好，魚肉清甜。餸飯真是一流。再叫了一個 蒜蓉炒菜心，可惜味精用重了一点。這個午餐總箅滿意。

今天與家人來港島區搵食，家人提議來鴨脷洲大街搵食，經過金寳海鮮酒家門口，看到$268蚊(二至四人)的海鮮餐，哇～抵成咁，即時推門進內。我們四大兩小，一行六人。叫了一個海鮮餐，另叫砵酒焗生蠔($168桶蠔有五大隻)，趁熱，即時夾嚟食，砵酒味很香濃，外層仲有少少脆，是我近幾年吃蠔中，可以令我一試難忘的，另叫了一個荔茸香酥卷$78，外脆入面不是散開溝粉的那種，很好味。海鮮餐雖然便宜，但該條鎗魚看著侍應生從魚缸撈出來的，蝦也很新鮮，飯後仲有芒果布甸送。咁既價錢，咁既質素，仲想點?

今日年初三，三人行坐港鐵遊鴨脷洲，行過利東港鐵站，大街只有三間食市營業，見有位就去食晏，叫了咕嚕肉，斑頭腩飯，炸墨魚餅。墨魚餅炸得金黃鬆脆唔算多油，一碟有八大塊，咕嚕肉酸甜比例啱啱好，斑頭腩飯分量足，食得滿足，下次會再黎試下其他餸菜。

真心奉勸大家唔好步我後塵嚟呢度加工海鮮。加工費：白灼蝦$90，蛋蒸紅蟹$200, 炒蜆$80,粉絲蒸蚌仔$160。大家冇睇錯，係淨加工費！另外14個月大的bb都收茶錢。 第一次寫評論，只係希望大家唔好做水魚！我明白打開門做生意都要賺錢，但係佢平均一個炒餸都係幾十蚊，真係點都估佢唔到佢咁收錢法！不過都怪自己冇問清楚，就入去坐。早知咁收錢法就直接叫餸，清蒸頭腩好似都係$150！金銀蛋浸小白菜$68， 明碼實價，你情我願。

上一次同三個朋友一齊去食 諗住試下個四人餐 第一碟餸係蝦黎既 細隻不特止 仲要得9-10隻到 都算 再黎埋碟菜 好似將啲洗完菜跌左埋一二邊既菜都拎晒黎炒埋一碟 仲要完全冇味道 食食下先知道個四人餐係冇飯跟 又要再自己叫飯 完全失望同好似比人呃咁

今晚和老爺奶奶食飯，老公提議到大街的金寶，小妹第一次來，覺得這𥚃是家買少見少的舊式中餐館。 點了個超值海鮮餐（＄228），好抵食。 先來海蝦，雖然細隻，但肉質鮮甜，爽口彈牙。 竹笙海皇羹，胡椒粉和豆粉也重手了，配料算足。 蒜蓉炒什菜，菜夠新鮮，翠綠爽脆。 秘製貴妃鷄，賣相應真麻麻，顏色蒼白，感覺好不新鮮，但放口咬下，味道不錯，肉質有咬勁，原來吃東西時也不能＂以貌取人＂！ 清蒸蒼魚，魚夠鮮味，肉質嫩滑，四個人吃份量剛好。 老公未夠喉，再追加了椒鹽白飯魚，老公和老爺奶奶以前是常客，這個是必食的，味道真的與別不同，脆漿薄，外脆內軟，像吃薯條一樣，果然名不虛傳！ 黑椒牛仔骨，味道OK，但肉質被梳打粉醃得太時間長，口感一般，還有一陣梳打粉味。 蒸水蛋，香滑味美，佐飯一流！ 送的芒果布甸，口感實了點，味道OK。 這𥚃價錢大眾化，有傳統風味，可以再來～

金寶海鮮酒家是一間街坊中菜小館，店内環境衛生過得去，勝在定價便宜。這份超值海鮮套餐，四人份量，五道菜，送甜品，無加一，其實幾難搵。 白灼活生蝦鋪排上有點凋零，建議轉用小碟蒸籠視覺效果會好一點。生蝦選材細隻，部份蝦肉黏殼，鮮感一般！竹笙海皇羹稀稠度合理，著眼不在「海皇」，而是爽口竹笙及滑豆腐。蒜蓉炒雜菜是菜心、西蘭花及小棠菜大雜燴，建議多加惹味蒜蓉上味。清蒸游水魚用上小䱽魚入饌，魚肉略實，滑感一般，水準合理。 秘製家妃雞選材細小，嫩滑口感中規中矩，略見雞味，合格。荔芋酥卷是外加菜式，講究外脆內軟，可惜外皮失準很硬。芒果布甸是贈送甜品，色素高，欠芒果味，不太欣賞。論食品質素，酒家只有中下水準，但計及價錢，則性價比合理，家常便飯並無不可。

朝早去咗鴨脷洲做運動，返屋企途中經過金寶海鮮酒家，見到有個特價晚市四位用海鮮套餐。$228 有五道餸，仲附送甜品，好似好抵食，忍唔住book 咗檯，一於唔使阿媽煮晚飯，出街食。七點去到，行過聽到有一家人話D檯俾人book晒，即刻覺得好彩有book定。 （要去真係book定檯先好去）入到去，已經坐咗8成滿，好多一家大細來食飯。坐低咗，老細過來問我地book幾人，原本係四個，後尾剩返三個，老細即刻問可唔可以上二樓。我話無所謂，上到去先知上面係閣樓，樓底好低，有啲壓迫感。 照計劃叫咗四人套餐，有白灼活生蝦，竹笙海皇羹，蒜茸炒什菜，清蒸游水魚，秘制家妃雞。竹笙海皇羹麻麻地，好少竹笙，有幾粒蝦肉，菜心粒，主要係豆腐，蛋花，生粉整嘅湯，味道還好。不過＄228嘅套餐，個湯我都無expectation嘅。白灼活生蝦算新鮮，D肉夠實淨。蒜茸炒什菜真心正，有菜心，西蘭花，西芹，啲菜好甜。秘制家妃雞,個名好笑，咩叫家妃，唔明，咖啡貓啲 fd？笑還笑，但係成個餐除左菜最好味係呢個雞。似係走地雞，好瘦，唔同農場養啲肥雞。皮薄肉甜，皮肉之間仲見到有膠質啫喱，唔錯。清蒸游水魚都可以，普通平魚，出面買應該＄20到

這天去離島行山後，在香港仔下船，難得和住九龍、新界的朋友到南區，當然提議在南區吃海鮮。我們一行四人五時多便到金寶，因為太早，金寶也提議我們到對面的鴨脷洲街市先買海鮮。蟶子很美味，沒平時吃大蟶子那麼韌，豉汁很"傑"、味道很濃這次我們買回來的蜆比較小，沒了"啖啖肉"的感覺，沒吃到椒味，感覺上和之前的豉汁差不多粉絲很"林"，完完全全"索"了蒸扇貝的豉油鮑魚蒸得很熟，沒有黐殼的情況出現，不過果皮有點苦，連帶鮑魚有點點苦味我不喜歡瀨尿蝦，不過上菜時，很香的椒鹽味，瀨尿蝦炸得很乾身，又不油膩薑蔥醬汁很"傑"，很入蟹味，炒得連穀也很脆，吃蟹鉗也很輕易另外點了椒絲腐乳通葉和豆腐海鮮湯。通菜是合時的蔬菜，很青和嫰。海鮮湯有點淡，豆腐味比海鮮重，不過只是幾十元，也合格了。吃飯後還點了甜品，我點的芒果布甸，因夠冰凍，但魚膠粉好像偏多，不過不失。是次很滿意食物的價錢、質素和煮功今次海鮮約HKD700；金寶煮功、椒絲腐乳通葉、豆腐海鮮湯、汽水和甜品約HKD740，即每人HKD360。PS 周圍比較少食客似我們只吃海鮮，不少人會吃金寶的小菜，而且多是街坊客。

平日晚上也奇門如市，需待上十五分鐘以上方能入座。全日免茶免加一，另送甜品，取價公道。香煎蠔餅：沒有想像中油膩脆口，吃起來較健康。蠔仔數量不算多，蠔香亦不算強。椒鹽鮮魷：炸漿不過厚，上菜時仍脆身，椒鹽調味可再加強。粟米斑塊：「斑塊」肉質結實，品質合預期。生炆斑頭腩：斑腩甪上真石斑，肉厚，但有點腥。生薑炒黑豚肉：醬汁薑味不重，反之帶甜。豚肉肥肉較多，固然更香口腍身。菜心炒牛肉：菜心都算爽甜翠綠，牛肉片肉質鬆軟。椰汁糕：甜度質感適中，不俗。

平時好少會去到鴨利洲, 不過既然友人提出就去試下啦由於6點幾去到的關係, 所以都唔洗等就有位了個人覺得當晚最好食的一味菜, 煎米餅即是把米粉煎成一個個小餅, 再淋上上湯, 米餅吸了上湯之後十分好吃海蝦都好新鮮, 不過對我來說煎米餅先係主角!這個相比起煎米餅就相對清淡好多, 湯底加入了黑胡椒, 湯內還有粉絲, 蜆都十分大隻這個係一塊好好好薄的墨魚餅, 內含馬蹄, 本身無什麼味道, 主要靠醬汁, 由於有馬蹄又淡而無味, 我唔太喜歡這個我覺得炸得不錯, 魷魚唔會太難咬開, 都唔會太厚粉這個甜品係送的, 除了這個之外還有綠豆沙可以選擇