影片
更多
2025-04-23
193 瀏覽
🍽️蟹點（鴨脷洲）📍鴨脷洲鴨脷洲橋道322號西邨街市1樓捐窿捐罅搵嘢食，上次朋友介紹過呢間喺西村街市上面嘅酒樓，我覺得真係好掂，今午打算帶家人又來幫襯我念念不忘的胡椒蟹❤️點知去到原來大蟹未返貨，要晚上先有，好彩店員推介食龍蝦，一樣咁樣整法，原來又係好正😍～白胡椒龍蝦🦞上枱香氣撲鼻好惹味，龍蝦超級大隻，肉質鮮甜彈牙，白胡椒嘅微辣香氣滲晒入肉裏面，另外配埋洋蔥，食落去層次分明，勁開胃，真係色香味俱全，又過足海鮮癮，我連汁同洋蔥都全部食晒，啖啖都係幸福滋味，仍回味中，必試之選！🍽️✨原來晏晝嚟開餐好着數，有好多午市套餐，例如蒸魚、炒粉麵、泰式都有，我哋叫咗三個套餐，又包埋嘢飲，好味又抵食😃～秘製咖喱牛腩飯配薄餅牛腩炆到淋晒，一啖咬落去仲有少少黏嘴唇嘅膠質，正呀！ 薄餅蘸汁食真係無得輸😘～清蒸鹹鮮黃花魚飯師傅一啲都唔吝嗇，有兩條，蒸得啱啱好，肉質滑溜，調味適中，送飯一流，有喺屋企食住家飯的溫馨感覺❤️～金菇瑤柱炆伊麵伊麵索晒瑤柱嘅鮮味，金菇又爽口，不肥膩，成碟好有口感，絕對係唔好錯過嘅好味之選👍 總括來講，呢度食材新鮮兼大碟頭，街坊價錢食到酒樓風味，仲有戶外座位，氣氛好好，好適合家人同朋友聚會，會翻
📍鴨脷洲鴨脷洲橋道322號西邨街市1樓
捐窿捐罅搵嘢食，上次朋友介紹過呢間喺西村街市上面嘅酒樓，我覺得真係好掂，今午打算帶家人又來幫襯我念念不忘的胡椒蟹❤️點知去到原來大蟹未返貨，要晚上先有，好彩店員推介食龍蝦，一樣咁樣整法，原來又係好正😍
～白胡椒龍蝦🦞
上枱香氣撲鼻好惹味，龍蝦超級大隻，肉質鮮甜彈牙，白胡椒嘅微辣香氣滲晒入肉裏面，另外配埋洋蔥，食落去層次分明，勁開胃，真係色香味俱全，又過足海鮮癮，我連汁同洋蔥都全部食晒，啖啖都係幸福滋味，仍回味中，必試之選！🍽️✨
原來晏晝嚟開餐好着數，有好多午市套餐，例如蒸魚、炒粉麵、泰式都有，我哋叫咗三個套餐，又包埋嘢飲，好味又抵食😃
～秘製咖喱牛腩飯配薄餅
牛腩炆到淋晒，一啖咬落去仲有少少黏嘴唇嘅膠質，正呀！ 薄餅蘸汁食真係無得輸😘
～清蒸鹹鮮黃花魚飯
師傅一啲都唔吝嗇，有兩條，蒸得啱啱好，肉質滑溜，調味適中，送飯一流，有喺屋企食住家飯的溫馨感覺❤️
～金菇瑤柱炆伊麵
伊麵索晒瑤柱嘅鮮味，金菇又爽口，不肥膩，成碟好有口感，絕對係唔好錯過嘅好味之選👍
總括來講，呢度食材新鮮兼大碟頭，街坊價錢食到酒樓風味，仲有戶外座位，氣氛好好，好適合家人同朋友聚會，會翻兜！💯
張貼
