和牛燒肉‧純

男人呢排成日心心念念想食和牛，成日話已經好耐冇食，作為完美人妻嘅我點忍心叫佢失望，一於就係OpenRice做定功課，睇吓邊間食和牛平靚正，比我搵到呢間，網上評價一致唔錯，所以就靜雞雞Book定枱等佢放假俾個驚喜佢。餐廳裝修十分日式，地方寬鬆，眼見坐位以卡位同vip房佔多數，桌面放置呼喚鐘，有需要先按鐘叫侍應，私隱度十足。完全冇頭緒叫乜嘢食好，侍應耐心同我地講解佢地餐廳而家推廣緊一種和牛係黎自鳥取既富饒，肉質上乘，咁既然我地唔識，就一於信佢地啦豆腐沙律和風胡麻醬超香，帶甜既微酸加上面包糠，十分開胃和牛終於到了！我地叫左四種和牛赤身肉（$150）四種入面呢種價錢最相宜，雖然油脂分佈沒其他幾款那麼多以致入口沒有那麼細膩，但牛味反而最濃特選日本產和牛肉眼（$550）一塊扒分為8塊，下面4塊肉佔大多數，反而油脂比較少，牛味濃而肉質比較結實。上面四塊因為帶有較重油花嘅關係，入口反而比較嫩滑，口感細膩。一塊扒有兩種截然唔同嘅口感，10分特別另外仲叫左和牛牛排肉同和牛上牛扒肉看照片已知，呢兩款油質分佈十分平均，簡直有入口即溶嘅感覺，呢兩款一致成為我同男人既最愛燒肉必定要配飯，牛嘅油脂滲晒落啲飯面度，食