名代宇奈備長炭燒鰻魚飯專門店 (希慎廣場) (已結業)

之前知道希慎商場入邊有一間專食鰻魚嘅餐廳，一直都好想試！今晚終於有機會啦！入到去之後睇Menu，發現全部食物都係同鰻魚有關嘅，就算玉子入邊都有包住鰻魚，蒸蛋入邊又有鰻魚，真係一間名副其實嘅鰻魚專門店啊！我叫咗一個鰻魚飯，同埋一個鰻魚玉子！鰻魚飯有一舊鰻魚腩，同埋一條鰻魚尾！啲鰻魚唔太入味，又唔肥美，而且有一部份仲燶燶地！鰻魚玉子係直頭完全冇味，玉子又唔滑，有啲老！因為我好鍾意食鰻魚，所以一直都好想試呢間餐廳，但我對今晚嘅晚餐有啲失望！