冒喜 (杜智臺)

營業中

休息中

週五同朋友行過灣仔，見到冒喜，剛好想食辣就來試下🥰八寶套餐抵食，選擇又多：潮汕手搥牛肉丸彈牙，咬落肉香十足；貴州丁家脆哨鹹香酥脆，豬肉渣炸得夠乾身，愈食愈上癮；胡椒豬肚軟腍入味，豬大腸夠厚身有咬口，配埋青二荊條湯，微辣帶麻，湯底濃郁又香～😋牛魔王套餐都唔錯，美國肥牛肥瘦比例啱啱好，滑牛肉又腍又嫩。鮮茄濃湯酸酸甜甜，撈埋刀削麵，好滋味涼拌麻辣蓮藕片爽脆，辣度唔算太勁；秘製藤椒魚皮麻香夠濃，食落煙韌有嚼頭洛神花山楂頻果汁好飲，清涼解辣餐廳環境闊落，價錢實惠，下次想食辣，會再約埋鍾意食辣嘅朋友一齊嚟～🥳