翠林辣蟹舫

話說今日又食唔到牛角，但又想食蟹，所以搵咗呢間好味又抵食嘅辣蟹。

話梅涼瓜

$68

本身係因為好奇先點咗呢味，雖然賣相嘛嘛地，但估唔到真係好好味! 酸酸咸咸嘅話梅同苦澀嘅涼瓜原來都幾鴿下
唔好苦瓜嘅朋友都可以try try.

黃金豆腐

$68

呢個豆腐都好抵食，山水豆腐花既質感俾炸漿包住，外脆內軟
不過記得趁熱食啊

主腳到啦！

主打食蟹嘅地方真係唔同啲，可以確保到蟹嘅鮮甜味。

黑白胡椒蟹

$588

真係啖啖肉㗎

芫香鮑魚炒粉絲

$148

~至愛粉絲登場~
原理好似平時食開果啲泰式包生菜啲料
不過轉咗中式調味同炮製
齋食呢味其實都好味，不過再撈埋果碟有啲油嘅醬汁，成碟嘢當堂昇華咗!
**唔好芫荽嘅朋友可以請佢落少啲**

蔥燒秋葵

$48

因為冇咩菜所以叫咗碟秋葵
自己係屋企都可以試下整。

因為疫情，人少啲，坐疏啲，安靜啲，可以慢慢嘆😊😊😊
staff都好sweet，好有禮貌。
話說我論論盡盡，跌咗支湯羹，佢地即刻送上紙巾
另外好勤力換新碟
同埋食完蟹又再奉上乾濕紙巾
so sweet.

1