滾爺火鍋 (上海街)

營業中

休息中

近排天氣又風又雨、變得沾寒沾凍，決定同女朋友去打邊爐進一進補，暖一暖身。我地去咗上海街428號食滾爺火鍋🍲 order咗個秘製泰國椰子雞鍋（$338），都覺得幾好食。最誇張嘅係，佢個湯底真係用兩個大大隻嘅椰青🥥 早啲椰青水落個煲度，再落隻雞 🐓 喺落火鍋料之前，其實就同煲湯一樣。再加埋粟米，紅蘿蔔，杞子，所以，湯底都真係幾清甜😋 其實就咁食一隻雞，protein 都夠我哋兩個人飽肚😂 所以我哋只係另外嗌多咗2個小食係金磚脆皮豆腐 （$68）上菜係用一個迷你手推車🛒 裝住、睇落都幾過癮。調味有椒鹽，炸蒜碎粒果啲～ 惹味。咬開就感受到外脆內軟。🥰 份量都幾夠，咁邪惡，四個人都夠分😋😈另一個叫做深海炸彈（$88）其實新係百花釀皮蛋拌酸薑。酸薑驅寒啊嘛😂 百花釀就令皮蛋有一種特別的甜味，幾好食。