ChumChum味 (已結業)

今日黎尖沙咀韓國餐廳chumchum味，巧遇世界杯韓國出賽，餐廳入面電視直播賽事， 好多食客專登黎一齊食野飲返杯，支持韓國隊超有氣氛。餐廳有户外座位，掛左啲燈飾，好浪漫。一坐底店員就放低啲前菜，泡菜、蓮藕、魚仔、翠玉瓜，樣樣都好好味，特別鐘意個蓮藕，夠特別。而另外腌蘿白同紅蘿白沙律係跟炸雞解 膩，一樣好味。第一次食醬油蟹🦀，估唔到咁好食。蟹肉肥美鮮甜，新鮮無腥味，又多蟹膏，醬汁又唔會掩蓋蟹的鮮味。就咁食好味，撈埋紫菜飯一起食又另一風味。蘋果調味炸雞🐔，全隻炸雞果然份量多，有成籃。炸雞即叫即雞，熱辣辣香噴噴，個蘋果調味好清新，雞肉好嫩又juicy, 正。