Shine (已結業)

一早book左同朋友黎食晚餐，之前食過覺得佢嘅蟹波特別好食，上次想試黑毛豬扒但男朋友話有毛所以唔食今次同朋友黎終於可以試!今次叫左煙鴨胸無花果沙律、甜蜜蜜雞翼、黃金手工蟹波配菠蘿酸忌廉同燒西班牙黑毛豬扒配蘋果蓉。本身好鍾意食新鮮無花果，但好多時一係買到啲唔甜嘅，一係就要一買買好大箱食唔哂，所以有得配沙律食少少都幾好。煙鴨胸都俾左好多塊，舊舊都好厚肉，燒得好香口，無花果都好甜。雞翼份量十足，有成八隻，所以係食唔哂嘅，我將四隻留起左攞外賣盒裝起，第二日帶飯食多餐。黃金蟹波係再試嘅，所以都無驚無險地係好食，啖啖蟹肉好足料，配埋菠蘿同yogurt中和返佢嘅油膩，亦都好開胃。最期待嘅黑毛豬扒亦都好大份同好多蔬菜，仲有好少會食到嘅黃色蘿蔔！幾時都覺得豬扒係要襯蘋果蓉，兩樣嘢好夾，略嫌佢蘋果蓉俾得太少唔夠送塊豬扒。肉質都尚算爽口，但當然係冇毛啦。