影片
更多
2025-06-11
1229 瀏覽
前身係由Noc營運，聽喺parkside餐廳工作的朋友講，最近咖啡吧由parkside接管番，喺餐廳order咖啡都會由自家咖啡吧提供~之前試過Noc銅鑼灣分店的咖啡，覺得又貴又難飲，所以對Noc冇好感，而家parkside做番反而更吸引。咖啡吧同餐廳分屬兩個區域，餐廳的最低消費係$100/位，而咖啡吧就似乎冇指定消費額。嚟到咖啡吧時，見有1檯學生客點咗幾杯飲品便進駐角落做功課。同Starbucks比，以study cafe角度睇，呢度會少客啲（得4張檯）、free啲。Latte：regular，今次用外賣杯裝，而堂食會用瓷杯；咖啡比一般cafe的更nutty，奶泡非常細滑，水準高；因為係紙杯裝，所以當開蓋時見有簡單拉花，都算係小驚喜下午茶時間冇下午茶餐，但惠顧咖啡可享食品7折。見有款榛子朱古力蛋糕幾吸引（原價$48），而簡單的牛角包、鬆餅亦只$28，折後應該比在連鎖cafe消費更低。如果要安靜一下或同朋友傾偈，呢度都係一個好地點。當然亦可考慮入餐廳，做開飲食業的朋友曾經提過餐廳的食物優質、擺盤靚、性價比合理，佢以前必「彈」自己工作的食肆，爆啲不為人知的內幕，唯獨對parkside的評
咖啡吧同餐廳分屬兩個區域，餐廳的最低消費係$100/位，而咖啡吧就似乎冇指定消費額。嚟到咖啡吧時，見有1檯學生客點咗幾杯飲品便進駐角落做功課。同Starbucks比，以study cafe角度睇，呢度會少客啲（得4張檯）、free啲。
Latte：regular，今次用外賣杯裝，而堂食會用瓷杯；咖啡比一般cafe的更nutty，奶泡非常細滑，水準高；因為係紙杯裝，所以當開蓋時見有簡單拉花，都算係小驚喜
鮮奶咖啡 Latte, regular
$45
49 瀏覽
0 讚好
0 留言
鮮奶咖啡 Latte, regular
$45
88 瀏覽
0 讚好
0 留言
下午茶時間冇下午茶餐，但惠顧咖啡可享食品7折。見有款榛子朱古力蛋糕幾吸引（原價$48），而簡單的牛角包、鬆餅亦只$28，折後應該比在連鎖cafe消費更低。如果要安靜一下或同朋友傾偈，呢度都係一個好地點。當然亦可考慮入餐廳，做開飲食業的朋友曾經提過餐廳的食物優質、擺盤靚、性價比合理，佢以前必「彈」自己工作的食肆，爆啲不為人知的內幕，唯獨對parkside的評價好高，所以有機會都想試下（唯一猶豫係睇過餐廳的餐牌，素食選擇真係唔多...）。
張貼
