影片
更多
2018-07-25
105 瀏覽
送完個客去機場，由於太忙連早餐都未食，忙完當然要食番個 Brunch 慰勞下自己。行過青衣城，見到一間主打韓式家常菜餐廳，望完門口個menu ，個紫菜拌飯都幾吸引，所以立即入去試下。餐廳裝修以簡約設計為主，坐位闊落，枱面設有電磁爐，方便客人食年糕鍋。睇完menu， order 左紫菜拌飯，石蠔紫菜湯，多啤梨沙冰，同埋我最愛醬油海鮮蟹。三文魚紫菜拌飯，餐廳提意客人，將拌飯搓成球狀嘅飯糰呢食，不過紅菜頭同萵荀太硬，我反而用紫菜飯送醬油蟹，仲正。石蠔紫菜湯，紫菜含膳食纖維，石蠔都幾嫩滑，蠔味都幾濃，食在口內超滿足，令到呢個營養豐富嘅湯更滋味。醬油海鮮蟹，韓國五大名菜之一，將生蟹放入醬油中醃製而成，上檯時除了蟹蓋，蟹身已切成四塊，蟹肉晶瑩剔透，而充滿肥美蟹膏，超正。如果單吃醬油蟹會較膩，用來送飯，味道就會剛剛好！食果陣時，將紫菜飯拌入充滿蟹膏的蟹蓋內，再加少少醬油，每啖飯吸收到蟹膏，濃郁甘香，令人一食難忘，難怪韓國人都叫佢「偷飯賊」。杞子士多啤梨沙冰，冰凍涼透心，士多啤梨味道清香，大大杯夠份量，可惜唔記得叫少甜，甜左少少。唯一唔滿意，係電話收唔到，餐廳又無提供 wifi。不過我都會再來，因為我
餐廳裝修以簡約設計為主，坐位闊落，枱面設有電磁爐，方便客人食年糕鍋。
睇完menu， order 左紫菜拌飯，石蠔紫菜湯，多啤梨沙冰，同埋我最愛醬油海鮮蟹。
三文魚紫菜拌飯，餐廳提意客人，將拌飯搓成球狀嘅飯糰呢食，不過紅菜頭同萵荀太硬，我反而用紫菜飯送醬油蟹，仲正。
石蠔紫菜湯，紫菜含膳食纖維，石蠔都幾嫩滑，蠔味都幾濃，食在口內超滿足，令到呢個營養豐富嘅湯更滋味。
醬油海鮮蟹，韓國五大名菜之一，將生蟹放入醬油中醃製而成，上檯時除了蟹蓋，蟹身已切成四塊，蟹肉晶瑩剔透，而充滿肥美蟹膏，超正。如果單吃醬油蟹會較膩，用來送飯，味道就會剛剛好！食果陣時，將紫菜飯拌入充滿蟹膏的蟹蓋內，再加少少醬油，每啖飯吸收到蟹膏，濃郁甘香，令人一食難忘，難怪韓國人都叫佢「偷飯賊」。
杞子士多啤梨沙冰，冰凍涼透心，士多啤梨味道清香，大大杯夠份量，可惜唔記得叫少甜，甜左少少。
唯一唔滿意，係電話收唔到，餐廳又無提供 wifi。不過我都會再來，因為我真係想試下韓式素食自助餐。
張貼
