影片
更多
2019-11-08
41 瀏覽
香港人一年四季都喜歡吃火鍋， 款式更越來越多樣化。 但年紀越大，最後都選擇還原基本步，鮮味美味至為重要。今天跟朋友到了達順蟹鍋， 就喺橋底辣蟹隔離， 同集團口碑唔差。 最吸引我哋嘅係海鮮粥底火鍋。 吃過一次， 你會發現坊間好多矜貴材料的鍋底 也不及簡單粥底嘅威力。我們二人最後選了每位$199的粥底海鮮套餐， 除了已包括的肉蟹和沙白， 還可自選五款是日精選海鮮和8款火鍋配料( 蜆，鮑魚，大尾魷， 油貝 和海蝦)。先把粥水作湯底滾起滾起， 聞到陣陣嘅米香～海鮮套餐亦包括兩位 一隻肉蟹和大花甲。 先把肉蟹放湯， 因需時最久，約莫10至13分鐘。大花甲和蜆肉肥美鮮甜冇沙， 海蝦鮮甜彈牙。 鮑魚我哋覺得煮得啱啱好鮮嫩，軟腍。 大尾魷是否等於水魷魚？ 但味道冇水魷咁淡， 而且仲幾有咬口！ 另一款蜆也非常 鮮甜肥美。期待已久嘅肉蟹， 喺粥底之下更顯鮮味， 肉質夠實一梳梳的， 非常落本二人吃一隻剛剛好！依家個湯底唔講得笑， 鮮甜度爆曬燈充滿蟹香。自家製酸梅湯$28樽比較健康酸酸地好啱打邊爐～8款嘅火鍋料都配以二人份量。 雞件肉質有彈性 有雞味！章魚燒丸內有粒粒章魚，夠足料。花膠仔細細隻好好厚好彈牙！肥
香港人一年四季都喜歡吃火鍋， 款式更越來越多樣化。 但年紀越大，最後都選擇還原基本步，鮮味美味至為重要。
今天跟朋友到了達順蟹鍋， 就喺橋底辣蟹隔離， 同集團口碑唔差。 最吸引我哋嘅係海鮮粥底火鍋。 吃過一次， 你會發現坊間好多矜貴材料的鍋底 也不及簡單粥底嘅威力。
我們二人最後選了每位$199的粥底海鮮套餐， 除了已包括的肉蟹和沙白， 還可自選五款是日精選海鮮和8款火鍋配料( 蜆，鮑魚，大尾魷， 油貝 和海蝦)。
先把粥水作湯底滾起滾起， 聞到陣陣嘅米香～
海鮮套餐亦包括兩位 一隻肉蟹和大花甲。 先把肉蟹放湯， 因需時最久，約莫10至13分鐘。
大花甲和蜆肉肥美鮮甜冇沙， 海蝦鮮甜彈牙。 鮑魚我哋覺得煮得啱啱好鮮嫩，軟腍。 大尾魷是否等於水魷魚？ 但味道冇水魷咁淡， 而且仲幾有咬口！ 另一款蜆也非常 鮮甜肥美。
期待已久嘅肉蟹， 喺粥底之下更顯鮮味， 肉質夠實一梳梳的， 非常落本二人吃一隻剛剛好！
依家個湯底唔講得笑， 鮮甜度爆曬燈充滿蟹香。
自家製酸梅湯$28樽
比較健康酸酸地好啱打邊爐～
8款嘅火鍋料都配以二人份量。 雞件肉質有彈性 有雞味！
章魚燒丸內有粒粒章魚，夠足料。
花膠仔細細隻好好厚好彈牙！
肥牛夠嫩滑！
吃罷所有火鍋配料， 係時候放進粥膽製作最後嘅粥底精華， 還加上一些芋頭和南瓜粒， 令粥底更棉更豐富。 雖然已經吃得飽飽， 但依然可以吃碗精華嘅粥， 濃郁海鮮味的粥底實在令人齒頰留香， 印象難忘！
張貼
