影片
更多
2018-12-27
56 瀏覽
今晚同朋友去到長沙灣食粥底邊爐, 覺得超正, 食set A 都係$258一位, 性價比勁高。 首先以粥水打邊爐, 放曬啲料落去順便煮煲精華粥水, 食曬啲料最後先叫店員加啲白粥落去滾。 海鮮好足料好鮮甜。 龍蝦大大隻, 已剪開數份, 方便落煲。 雖然唔係任食, 但一定食得飽~幾樣配菜都有驚喜:1. 個響鈴係即炸嘅, 超好食。2. 個黑豚肉好有豬肉味, 而且唔韌, 口感一流。3. 個炸魚皮超大塊, 有少少辣粉調味, 好正。 (由於一上台太吸引, 所以忘記咗影佢俾大家睇)4. 個蝦滑打到起曬膠, 食落好有蝦味同口感好正, 真材實料, 最欣賞係個份量完全無呃秤, 成條滿曬, 連入面個虛位都填滿。 食到最後個粥都好好食, 味道好有層次, 因為已經集合咗全部食材嘅精華, 就算前面食到好飽, 都一定要留肚食個粥。
首先以粥水打邊爐, 放曬啲料落去順便煮煲精華粥水, 食曬啲料最後先叫店員加啲白粥落去滾。
海鮮好足料好鮮甜。 龍蝦大大隻, 已剪開數份, 方便落煲。
雖然唔係任食, 但一定食得飽~
幾樣配菜都有驚喜:
1. 個響鈴係即炸嘅, 超好食。
2. 個黑豚肉好有豬肉味, 而且唔韌, 口感一流。
3. 個炸魚皮超大塊, 有少少辣粉調味, 好正。 (由於一上台太吸引, 所以忘記咗影佢俾大家睇)
4. 個蝦滑打到起曬膠, 食落好有蝦味同口感好正, 真材實料, 最欣賞係個份量完全無呃秤, 成條滿曬, 連入面個虛位都填滿。
食到最後個粥都好好食, 味道好有層次, 因為已經集合咗全部食材嘅精華, 就算前面食到好飽, 都一定要留肚食個粥。
張貼
