漁火海鮮刺身火鍋

營業中

休息中

有人話食火鍋湯底係好重要，因為食材本身冇咩味，主要係用湯底嘅味道令到食物更加之好食，但今次銅鑼灣呢間火鍋店真係令我有另外一種嘅體會，因為佢哋嘅食材真係非常之新鮮，係一間值得推介嘅火鍋店。火鍋店裝潢非常優雅，座位亦好舒適私隱度非常之高。火鍋食材方面亦有很多種類特別海鮮、刺身，種類非常之多。而且仲可以自己調配鍾意嘅醬料。今次就叫咗芫荽皮蛋豆腐湯底，芫荽非常之香而且飲得出真材實料唔會有味精。鮮打墨魚滑墨魚滑非常新鮮，真心講好過市面上很多火鍋店，而且真係食得出墨魚味。手切雪花安格斯牛肉牛肉油脂平均，打邊爐當然要叫一碟啦，加埋醬油一齊食更加滋味。美國特大桶蠔份量都好多，而且每一隻都份量十足，相當新鮮。炸響鈴只需浸入湯底0.5秒就可以食得，酥脆與淋滑嘅質感交題，真係一試難忘。平時食嘅魚皮餃表面可能會比較份，會有一種溶溶爛爛嘅感覺，但今次個魚皮餃除咗非常飽滿之外質感亦非常之紮實味道相當唔錯。