影片
更多
2016-05-16
207 瀏覽
在附近探完朋友後, 在她的推介下我第一次食到一間比較正式的 ”蒸氣海鮮鍋”. 餐廳的裝修比較偏向韓國當地餐廳的裝修風格, 簡潔明亮.餐牌內有多款不同價目的套餐可以選擇. 而我地就揀左餐廳推介的 “首爾塔”, 粥底就三揀一揀左 “韓式豬手”. 材料有出過水的豬手,大蜆, 蘿白, 韓國長條年糕 仲有 生米! 加入水煮滾後就可以放個海鮮塔上去啦. 六層高的塔, 蓋上的窿插有一支温度計. 温度上到去80幾度的話, 裡面的海鮮就可以食得.而每一層的塔都放左唔同的海鮮, 最易熟的放最上層, 越難熟放越下層. 而店員就教我地每隔五分鐘就可以食下一層, 否則怕下面的海鮮會過熟. 而且仲俾左個小沙漏我地計時. 但往往食食下大家都會忘記時間…五分鐘食一層? 我諗真係冇幾個人可以達到標… XD~ 好貼心, 有裝海鮮殼的小鐵桶送上小菜兩碟, 三味醬汁: 柚子醬(甜) + 韓國辣椒醬(辣) + 麻油海鹽(鹹)第一層: 蟶子+象拔蚌蟶子好大隻, 爽口鮮甜, 象拔蚌彈牙鮮味第二層: 大蚌 + 海蝦 + 大元貝大蚌好厚肉肥鮮味冇沙; 海蝦大隻好彈牙新鮮; 而大元貝亦都好鬼大粒, 彈牙鮮甜.第三層: 新鮮花尾龍躉厚切龍
餐廳的裝修比較偏向韓國當地餐廳的裝修風格, 簡潔明亮.
餐牌內有多款不同價目的套餐可以選擇. 而我地就揀左餐廳推介的 “首爾塔”,
粥底就三揀一揀左 “韓式豬手”. 材料有出過水的豬手,大蜆, 蘿白, 韓國長條年糕 仲有 生米!
加入水煮滾後就可以放個海鮮塔上去啦.
六層高的塔, 蓋上的窿插有一支温度計. 温度上到去80幾度的話, 裡面的海鮮就可以食得.而每一層的塔都放左唔同的海鮮, 最易熟的放最上層, 越難熟放越下層.
而店員就教我地每隔五分鐘就可以食下一層, 否則怕下面的海鮮會過熟. 而且仲俾左個小沙漏我地計時. 但往往食食下大家都會忘記時間…五分鐘食一層? 我諗真係冇幾個人可以達到標… XD~ 好貼心, 有裝海鮮殼的小鐵桶
送上小菜兩碟, 三味醬汁: 柚子醬(甜) + 韓國辣椒醬(辣) + 麻油海鹽(鹹)
第一層: 蟶子+象拔蚌
蟶子好大隻, 爽口鮮甜, 象拔蚌彈牙鮮味第二層: 大蚌 + 海蝦 + 大元貝
大蚌好厚肉肥鮮味冇沙; 海蝦大隻好彈牙新鮮; 而大元貝亦都好鬼大粒, 彈牙鮮甜.第三層: 新鮮花尾龍躉
厚切龍躉肉片, 白雪雪的魚肉好嫩滑鮮味. 而魚肉邊邊的魚皮位咬落有好漿住的口感, 感覺有非常多的骨膠原.第四層: 花甲 + 沙巴肉蟹
肉蟹雖然唔係好大隻, 但都食得出係好新鮮, 蟹肉好飽滿. 肉質爽口而且好鮮甜. 第五層: 南非鮑魚 + 海螺 + 刀貝 +日本南瓜 +日本蕃薯
鮑魚熟左都有三分一隻手掌咁大隻, 好厚身好濃郁的飽魚味. 咬落啖啖肉, 口感比較有咬口. 海螺細細粒, 少少彈牙. 刀貝亦都係好肉厚鮮甜; 日本南瓜 和 日本蕃薯 都係食落 “好粉” 好甜.
第六層: 生蠔
估唔到會俾左兩隻咁肉厚肥美的蠔我地, SIZE同南非鮑魚有得比. 熟左後有少少爽口, 但仍然好肥美鮮甜, 好重蠔味.其實個人覺得呢一餐其實都可以不用調味醬汁, 因為所有食材都係好新鮮, 食佢原本的鮮甜味已經好夠, 不用畫蛇添足.
食完所有海鮮, 最後試埋個粥底後就可以完整地劃上句號.
鍋底的材料已經由生米煮成 “熟粥”啦, 而且仲煮得都幾 “棉”. 而豬手, 大蜆, 蘿蔔 同埋 由上而下所有海鮮所蒸出黎的所有精華都集中在呢煲粥內, 可想而知粥食落係昤既棉又鮮甜, 好有厚度. 最重要係呢個粥係完全冇味精, 食完成晚都冇口渴的感覺.
粥的份量好多, 食唔哂的話係可以打包拎回家~
張貼
