手卷野村 (已結業)

喺紅磡有啲嘢做完就行去尖東食一食個人tea，新文華中心附近一帶有好多街頭小食，已經見慣見熟。當日發覺開咗一間手卷店，專係賣手捲和玉子燒，仲講明所有刺身都由日本直送，信心保證，點可以唔試下呢？首先嗌咗一個激滿海膽杯$98，免頭鋪滿嘅係加拿大海膽，有一板嘅分量，而底下嘅係蔥花吞拿魚碎。海膽非常之鮮甜，口感滑溜。吞拿魚嘅味道亦都唔腥，就連平日唔食吞拿魚嘅我都接受到，連埋蔥花味道更加之香。它的底部夾雜著一塊帶子，口感黏立立的，鮮味十足，還帶點海鮮的甜味。下面係壽司珍珠米和紫菜碎，加埋一齊好好食！夏威夷三文魚手卷(買滿$25 +1) ，三文魚肥美得很，魚油香滑。 配上微辣的沙律醬，味道十分香口，三文魚的旁邊有些沙律菜，口感非常清爽，而且富有水分，用$1就食到，正。最後還有龍蝦未暋噌玉子燒，龍蝦味噌醬係店鋪秘製嘅醬汁，龍蝦味非常之香濃，而且帶有微辣，十分香口。玉子受熱非常之平均，食落去啱啱好，既好有水份，口感亦都好滑，蛋味出眾。除咗龍蝦尾味噌之外，仲有其他選擇，例如紫菜，芝士。