錦壽築地 (已結業)

今日同一大班朋友聚會就決定去食日本野~~去左錦壽築地聚餐,餐廳空間感大,座位吾會相隔太近,裝修整潔。我最深刻既就係個雜錦刺身拼盤,一上菜大家都非常興奮,拼盤既賣相好靚,而且種類好多,有三文魚、油甘魚、甜蝦等等等等~最重點既係有海膽,海膽好鮮甜,吾會腥,紫菜又夠脆。而其他刺身都好出色,新鮮!!!同埋忌廉蟹肉薯餅都好值得推介,薯餅係即炸的,食落去重係熱辣辣的,入面好足料,蟹肉都不少,忌廉汁配合薯餅好夾好好吃。