鮨政

營業中

休息中

有時候人都需要慢活享受一下。今日嚟到呢間鮨政日式料理，享受下美食。🌹❤️芥辣豉油金䱽魚牛油果佢非常之特別。佢係一啲金䱽魚肉包住個牛油果，出面有啲芥辣。整體嘅感覺就係有芥辣嘅辣，刺鼻得黎新鮮而且同金槍魚嘅味道互相雙輝。有魚嘅鮮香同細緻，結合埋牛油果嗰種溶溶地嘅感覺非常之正。❤️五點刺身拼盤有齊五款刺身樣樣都好新鮮。好欣賞佢個油甘魚，真係好鮮嫩可口，能夠保持到嗰種柑橘嘅鮮香。❤️鰻魚飯分量夠大，有兩大舊嘅鰻魚肉啖啖肉。饅魚本身夠新鮮，而佢亦都烹調得好好，煎香得剛剛好。加埋鰻魚汁唔會太鹹，魚肉非常嫩口唔多骨。最後試埋一絲絲嘅蛋，雖然只係配角，但係亦都有唔錯嘅水準，好滑。❤️炸廣島生蠔再嚟試下啲炸物。就咁睇外表炸得好均勻，咬落去啲炸粉完全唔會太多，裏面舊肉真係保持到佢形狀嘅大細。外脆內軟非常之正。