鮨心 (已搬遷) 新店位置

有一段時間沒食日本菜了，今次就同朋友搵到呢間係旺角的鮨心，可以靜靜地享受和風美食了！餐廳以木、麻為主，設計簡約好和式，而且空間感十足，坐位舒適，令人心情變得輕鬆，食起野上黎特別開心。大家都係放工過來，都感到肚餓了，所以好快決定到食啲咩。首先有厚燒玉子，食落好香蛋味，而且帶有少少柚子味，感覺清新。果然係厚燒，咬落好有口感，而且都幾滑！呢個係吞拿魚他他，曬上黑芝麻的吞拿魚肉，食落鮮味之餘仲帶有少少芝麻香，而且肉質好滑。中間放滿淋上酸酸醬汁的新鮮沙律菜同青瓜絲，開胃得黎感覺好Fresh。啖啖肉鮮甜牡丹蝦刺身，連殼都幫你剝埋，真係細心。香口好食的雜錦天婦羅，有兩條又大條又多肉的蝦，味道鮮味，另外仲有其他常見的蔬菜，好新鮮，味道清甜，即叫即炸熱辣辣，食落juices唔會炸到乾晒，點少少加左白蘿蔔蓉的天婦羅汁，真係好食。燒得好香的鹽燒牛舌，非常厚身，咬落多汁！吱少少檸檬汁食，更能突出牛舌濃厚的牛味。另外還叫了三款手卷分叫係香辣金槍魚手卷、香蔥碎金槍魚腩手卷及軟殼蟹手卷。米飯好食，口感軟身，粒粒分明。紫菜脆而不韌，而且手卷還加了新鮮的菜同青瓜絲，食落沒咁單調。香蔥碎金槍魚腩，口感好滑，食落帶有香蔥味