鮨和居食屋 (已結業)

好有居酒屋🏮特式嘅店舖，日式餐廳最著重食材要夠新鮮，不時不食，一貫居酒屋🏮特式，會將每日最新鮮同推介食物寫在黑板上。店舖周圍都放置唔同嘅酒類，有以梅子浸讓左不同嘅酒類，亦分好年份，都幾講究，岩晒鍾意邊飲邊食嘅朋友；老闆亦非常殷勤招待每枱客人，氣氛簡直係打成一片😆。🥢清酒🍶煮蜆，上枱陣陣清酒香氣，蜆肉雖小，但鮮甜度達標😋，最後連汁都清埋，每啖都散發淡淡酒香。🥗紫蘇牛油果🥑剌身沙律，造型精美，新鮮沙律菜鋪底，中間厚厚一層什錦刺身粒粒，置頂係牛油果同紫蘇，配以銀雪魚薄脆一齊食，不但增加鮮度，味道口感豐富具層次。🦞燒龍蝦，以大量蒜蓉鋪面烤焗，蒜味濃郁，龍蝦肉質爽彈鮮甜，非常新鮮。🥘銀雪魚鍋，熱騰騰上枱，銀雪魚份量都好多，魚皮充滿骨膠，湯底清甜，湯內仲有大量蔬菜、什菌同大蔥，鍋底仲有粉絲，增加飽肚感。