影片
更多
2010-10-25
24 瀏覽
琴日想食lunch，想到頭爆都唔知食乜好？怕咗中環迫爆又受氣嘅經驗。行吓行吓已經到環尾。想起有一排之前試過dinner嘅大班樓。晚飯奉旨book唔到位，姑且踫下運氣，還掂已經行到蓮香。。。噫？竟然有位！伙記話打風關係，有客cancel。睇嚟呢條“鮎魚”對餐飲都幾有殺傷力。加咗價，可以理解。香港大部份食材倚賴大陸－人仔升值，除咗有樓之人外（俾祖國同胞炒起），普羅大眾真喺唔值得高興。套餐＄148、168（連甜品）都箅可接受。擺設簡潔，枱布白淨，餐具齊整。未食前印象分攞足！伙記介紹得體。餐單不複雜－頭盤、湯、主菜。選擇幾多。睇落好似多咗的新嘢。問伙記－話耐唔耐都搞搞新意思，佢指出比如“咭嚕肉”就喺侚眾要求加嘅。甘比好多其他“一本餐牌用十年”、不思進取嘅餐館有“heart”。可惜我對“話梅肉桂糖醋排骨”情有獨鐘，咭嚕肉只好企埋一邊。。。頭盤點咗子𦍑皮蛋。子𦍑冇喳、皮蛋糖心。好食過X記好多！蒜香酒醋牛利幾滑。我好鐘意食牛利，食日本菜幾乎喺例牌。呢度嘅係“one of the best”。可惜陳醋多咗。雖然陳醋好貴，從成本角度食家“好抵”，但搶咗牛利嘅香味。陳醋汁又唔送得飯！好“side”料。湯－
加咗價，可以理解。香港大部份食材倚賴大陸－人仔升值，除咗有樓之人外（俾祖國同胞炒起），普羅大眾真喺唔值得高興。
套餐＄148、168（連甜品）都箅可接受。擺設簡潔，枱布白淨，餐具齊整。未食前印象分攞足！伙記介紹得體。餐單不複雜－頭盤、湯、主菜。選擇幾多。睇落好似多咗的新嘢。問伙記－話耐唔耐都搞搞新意思，佢指出比如“咭嚕肉”就喺侚眾要求加嘅。甘比好多其他“一本餐牌用十年”、不思進取嘅餐館有“heart”。可惜我對“話梅肉桂糖醋排骨”情有獨鐘，咭嚕肉只好企埋一邊。。。
頭盤點咗子𦍑皮蛋。子𦍑冇喳、皮蛋糖心。好食過X記好多！蒜香酒醋牛利幾滑。我好鐘意食牛利，食日本菜幾乎喺例牌。呢度嘅係“one of the best”。可惜陳醋多咗。雖然陳醋好貴，從成本角度食家“好抵”，但搶咗牛利嘅香味。陳醋汁又唔送得飯！好“side”料。湯－老婆揀西洋菜陳腎（我一定揀十豆湯，冇得講。情意結也。），湯料充足。飲“例湯”而唔“確喉”（即喺冇味精囉）又夠味嘅，只此一家。如有雷同，請指正。Lodax虛心候教。主菜有我最最最鍾意嘅話梅肉桂糖醋排骨（冇瓣法，又喺情意結）。佢嘅甜酸味調教到冇得頂！肉排肯定喺選上等鮮排！表皮微炸香但唔油膩，食落口肉香透入喉。最絕嘅係落左kaffin lime 葉喺話梅汁同陳醋溝嘅醬汁入面。醬汁份量啱啱好，唔搶味。我食過好多一“pat”嘢甜酸汁嘅物品，真係“唔係路”。如果你下次去，要試清楚呢個“宇宙最強排骨”！另一主菜係魚湯勝瓜煮牛腩丸。乜牛丸喺牛腩做嘅咩？唔試過真係大鄉里！牛腩做丸加莞茜馬碲配搭得宜，軟、爽兼備、有肉味。街上用水楊酸“那”過嘅所謂牛丸點比？魚湯同勝瓜我已經唔記得乜味，淨喺同老婆鬥搶牛腩丸。。。
甜品嘅杏仁茶為呢條“鮎魚”帶俾我倆一個幸福、滿足嘅lunch畫上完美句號。
張貼
