魚事者 (威德閣)

營業中

休息中

今晚約左朋友去上咖啡workshop, 見未夠鐘小妹就諗住去附近食d野先, 之前成日經過一直想試下E間魚事者, 於是今晚就入去試試! 餐廳環境幾colorful, 以粉藍粉紅湖水綠做主調, 非常少女心🌟桂花雪梨綠茶入口甜甜地有微微桂花味🌟炸魚無薯條份量幾多, 仲可以跟餐加配啤酒, 薯條好香口, 熱辣辣脆卜卜, 食落幾特別, 配上鮮味嘅蟹皇醬, 食落鮮上加鮮, 佢地嘅自家製辣椒醬仲惹味, 用左大地魚粉混合辣椒而成, 夠哂惹味, 中意食辣嘅朋友一定唔好錯過啦🌟炸魚狗腸小妹揀左新出嘅Sawadee口味, 魚狗腸上面鋪滿醬汁, 食落口感爽彈, 好有泰式風味🌟Fishotto魚米粒粒·扮意大利飯意大利飯食得多, 如果換左做魚米粒粒又會點呢, 魚米粒粒形狀可愛, 食落好爽彈又唔會覺得膩, 好似一次話食好多粒魚蛋嘅感覺, 上面仲有好多蟹籽令口感更豐富, 唔好以為魚會唔夠飽, 小妹就覺得幾飽肚！