影片
更多
2018-02-04
948 瀏覽
最近多個社交媒體都被位於灣仔的烏龍魚男<九段omakase（廚師發辧）>洗左版，而且特盛都只係索價$298，絕對係平價的omakase，<為食小肥兔>當然不甘後人一定要去試試！！晚市於6點開始，我們一行三人一早訂左枱，所以可以坐到位置比較靚的坐位，眼見無訂位的食客來到只能坐面壁的坐位，小肥兔不禁心中暗中慶幸友人有幫手訂位坐下無耐待應小姐先送上小小的welcome drink，今天是<草莓燒酒>，但其實味道似草莓乳酸多點。還可以啦，反正飲左就等幾耐都唔好意思走，原理同去髪形屋剪髮一樣，洗濕左個頭就好難走。（點解我會咁講？一陣間會再解釋！）由於六點鐘開始放人入去，而多數嘅人都係會叫九段盛，但當中有分三種~刺身盛，壽司盛同變化盛。師傅們係將全場嘅同一款盛整晒先，之後先整另一款盛。同行男友人點了<變化盛>，等咗半個鐘終於到，你無睇錯，係等咗半個鐘。由於男友人的女朋友點了<刺身盛>，兩種加埋就可以砌一個兩邊不同款嘅圓形，所以男友人決定唔食住等埋先。結果一等，又係半個鐘。。。即係我同女友人嘅刺身盛前後總共等咗一個鐘。。
草莓燒酒
11 瀏覽
0 讚好
0 留言
晚市於6點開始，我們一行三人一早訂左枱，所以可以坐到位置比較靚的坐位，眼見無訂位的食客來到只能坐面壁的坐位，小肥兔不禁心中暗中慶幸友人有幫手訂位
坐下無耐待應小姐先送上小小的welcome drink，今天是<草莓燒酒>，但其實味道似草莓乳酸多點。還可以啦，反正飲左就等幾耐都唔好意思走，原理同去髪形屋剪髮一樣，洗濕左個頭就好難走。（點解我會咁講？一陣間會再解釋！）
特盛~烏龍魚男九段刺身盛
$298
14 瀏覽
0 讚好
0 留言
由於六點鐘開始放人入去，而多數嘅人都係會叫九段盛，但當中有分三種~刺身盛，壽司盛同變化盛。
師傅們係將全場嘅同一款盛整晒先，之後先整另一款盛。
同行男友人點了<變化盛>，等咗半個鐘終於到，你無睇錯，係等咗半個鐘。
由於男友人的女朋友點了<刺身盛>，兩種加埋就可以砌一個兩邊不同款嘅圓形，所以男友人決定唔食住等埋先。
結果一等，又係半個鐘。。。即係我同女友人嘅刺身盛前後總共等咗一個鐘。。。但佢地限七點半交枱喎
等咗一個鐘終於有得食，成個<刺身盛>有九級。
第一級係玉子燒，厚厚實實一啲都唔鬆化，而且都頗甜。
當中只有三樣我肯定佢係刺身，分別係第二級的蝦，第三級的海膽和第四級的吞拿魚腩，其餘係乜唔好問我。
第二級的蝦好淡但新鮮程度尚可。，
第三級的海膽唔夠creamy，不過味道尚算濃郁。
第四段的吞拿魚腩，油份不足，沒有在口中爆開的那種柔滑感，可幸的是不算腥。
老實講由第五級開始我食完都唔知係乜。
因為待應就咁成個<九段盛>擺低就乜都冇講。
另外坦白講我真係食唔出嗰啲係乜嘢魚，我最多只可以話畀大家聽第五及六級應該是醬油漬和火炙之類嘅物體。
第七段呢個魚亦係唔知乜魚，冇乜味，而且好乾身冇乜油份，有冇光澤大家自己睇。
到第八段。。。漬魚？？唔知，我淨係記得女朋人問我做乜食到呆左
第九段，醋漬魚？唔知啦唔知啦，唔好問我。
真係好耐未試過食飯會食到個人謝晒。
食曬九級之後仲有一個用銅壺裝住嘅烏冬。浸咗咁耐啲烏冬開始發脹。。。。。但係魚湯尚算有魚甜，但魚味就冇乜而且開始凍。
<刺身盛>$298再連無乜服務既加一服務費，$327.8結帳，以omakase來講真係好平，但係究竟選擇相機食好味定係自己食好味為準，就留返畀大家自己決定啦。
張貼
