87
36
29
港鐵銅鑼灣站 B 出口, 步行約7分鐘 繼續閱讀
電話號碼
28613001
開飯介紹
特別提供以九段木層架上枱的廚師發辦。師傅會挑選當天最新鮮的海產,食客可按喜好選擇不同價錢的廚師發辦。 繼續閱讀
付款方式
Visa Master 現金
座位數目
50
其他資料
網上訂座
Wi-Fi
酒精飲品
賞訂座積分
加一服務費
食評 (176)
家住大西北又是路痴的筆者,最近經常被朋友帶到港島區玩樂,說是要加強筆者對港島線的認識。甫入座,侍應已送上了餐前飲2杯。非常有打卡性的摩天軸Omakase,未開動先拍照。摩天輪的小木兜分別放了不同口味的壽司/剌身,共有8款。安康魚肝三文魚子:魚肝富有油脂香,吃後的油香餘韻令人回味再三。8款中有3款是剌身,入口新鮮,唯稍嫌劍魚腩質感帶韌。拖羅海膽吉蝦卷:拍照時最吸引的一款,拖羅肥美,入口帶融化感。配上creamy海膽,是一件高質的吉蝦卷。帶子蟹高吉列蠔卷:原粒帶子上舖了少許蟹羔,加上卷內酥炸吉列蠔,口感多重。紋甲海膽魷魚吉列蠔卷:魷魚口感煙韌,壽司卷同樣是配上了吉列蠔。三文魚北寄貝沙律吉蝦卷:三文魚片新鮮,而筆者一向都喜愛壽司飯配沙律醬,貪其味道香甜。另外也有一小壺烏冬,但足夠2人食用。烏冬質素煙韌,配上魚湯底,味道鮮甜。二人前餐目還附有餐酒(當然也可選擇無酒精的),筆者選擇了番石榴口味的水果酒。果香與酒香互相交融。摩天輪中間的轉盤是用來玩幸運大抽獎的,雖然今天手風不佳,未能抽中大獎。但也有2客益力多味雪糕補償。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-29
327 瀏覽
之前聽朋友講《烏龍魚男》食樓梯級魚生刺身,好想試好耐,今日老公可以早啲放工過灣仔陪我食,太好了。Welcome drink 係柚子梳打,唔太酸,好醒胃。看看餐牌,原來有新套餐《摩天輪》(二人前),比樓梯級更吸引,見到隔離枱食,個摩天輪好別緻,好想試啊!安康魚肝~味道香濃,感覺似食緊鵝肝。劍魚腩~魚生是厚切的,極度肥美,魚脂感好高,非常新鮮。鰤魚~同樣是厚切,口感較強,魚嘅質地唔錯。鰹魚~是煙燻嘅製法,另一種味道,都非常美味。紋甲海膽魷魚吉列蠔卷~一款壽司卷可以有多重味覺享受,包括脆卜卜海膽醬蟹子,爽口魷魚,仲有香脆吉列蠔。拖羅海膽吉列蝦卷~呢個係最矜貴,喺摩天輪最高嗰一格,海膽新鮮味香濃,拖羅厚切啖啖肉。帶子蟹膏吉列蠔卷~蟹膏勁香配鮮甜帶子確實一流,配埋脆口吉列蠔,呢個食法都係第一次。三文魚北寄貝沙律吉列蝦卷~三文魚肥美到一個點,且好大塊,吉列蝦卷都十分香口。仲有一壺魚湯烏冬,烏冬好滑好好食,最後魚湯畀老公飲曬。呢個餐包一小瓶飲品,有梅酒可以揀,我哋唔飲酒,揀咗巨峰乳酸。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-26
212 瀏覽
係灣仔道搵到一間特色日本料理,餐廳有別於一般傳統料理屋,比我感覺有種新派創新既意念,裝潢亦都帶一種型格得黎,別樹一格,餐廳設有壽司吧台,一路食可以一路睇下師傅手勢如何,枱與枱之間都好鬆動,有足空間,擺架食自然夠哂位啦!氣派十足!👇📌 摩天軸二人前 - $337▪ 安康魚肝三文魚子▪ 劍魚腩▪ 鰤魚▪ 鰹魚▪ 紋甲海膽魷魚吉列蠔卷 ▪ 拖羅海膽吉蝦卷▪ 三文魚北寄貝沙律吉蝦卷▪ 帶子蟹高吉列蠔卷▫ 摩天輪黎到既時侯己經安排好哂座位,每一格都分別有兩客,果然係二人前呀,兩個人黎食唔洗怕爭黎爭去,先講三款魚生都夠厚切鮮甜,口感嫩滑,唔錯!魚肝同三文魚子味道濃烈,入口有融化感覺,四款卷物都擺盤精緻,層次幾豐富!整體呢個擺盤我係幾滿意!▪ 鯛魚湯烏龍麵▫ 用到茶壺黎做呈上,的確幾有諗頭,一方面做到保溫,另一方面有畫龍點晴既賣相,鯛魚湯味道醇厚,鮮味十足,相信用魚骨熬煮一段長時間先做到咁鮮!配合烏冬既幼滑彈牙質感,相當好食!呢個係必食呀!最後有兩杯雪糕分別紫薯同抹茶另外送上,仲有1小瓶梅酒真係呢個天氣享用特別大快人心! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-24
159 瀏覽
灣仔區出名多美食, 今日去咗灣仔與銅鑼灣之間近利景酒店嘅 《 福岡·烏龍魚男》。 餐廳出名廚師發辦, 每日都有各種當造海鮮刺身。新出嘅套餐非常注目, 各款特色刺身,放在木製摩天輪上, 不過留意係唔轉得嘅,只係中間個圈可以旋轉,抽獎搞吓氣氛。先來一set welcome drink,巨锋梳打。 味道唔錯 , 讓你先打開味蕾。摩天軸 二人餐 $337摩天輪載住嘅係8 款唔同刺身,有二人份量,相當有童話感。劍魚腩呈半熟, 厚厚的,肉質咬落爽爽地, 有脂肪肥美嘅感覺不過就冇乜魚油。 上面嘅沙律醬亦帶出味道嘅層次。拖羅海膽吉列蝦卷。拖羅經已肥美夠厚, 魚油超爆, 再配上甘甜嘅海膽, 配搭同味道都一絕! 裏面嘅炸蝦卷亦非常鬆化。狮魚同樣都非常厚切, 狮魚味道好鮮, 肉質較實淨, 冇吞拿魚咁柔軟。 右面放了有醋汁嘅沙律, 少少酸又有紅洋蔥嘅味道, 好惹味!三文魚炸蝦卷, 較少有的配搭, 炸蝦卷仲係非常脆囗。 三文魚鮮甜肥美👍👍煙燻鰹魚塗滿橄欖油, 表面好香好滑, 裏面係深紅色嘅鰹魚肉, 魚味好濃,甚至乎有啲人會覺得腥, 灑上蔥花來調味。蟹膏帶子吉列蝦卷帶子冇雪味, 但唔夠鮮甜所以被濃味嘅蟹膏蓋過。安康魚肝但凡肝類鵝肝鴨肝等都會好膩, 安康魚肝味道則啱啱好, 感覺上冇咁多脂肪, 經過調味入口又滑又香~👍👍紋甲魷魚海膽吉列蠔卷魷魚輕輕灼燒仲好軟熟, 咬落彈牙又唔韌仲有好香魷魚味。 海膽醬混合了卜卜 脆嘅飛魚子。 蠔卷味道特別濃, 做法複雜, 同時間可吃到唔同嘅鮮味~二人餐仲包括一小瓶有酒精或冇酒精飲品。 我哋揀番巨峰乳酸梳打~~唔好睇個摩天輪好似分量細細, 加加埋埋食完都夠飽。 唔好忘記仲有一壺魚湯稻庭烏冬, 約有兩碗份量,內有蔬菜同埋鮮味嘅魚湯, 一定要趁熱食!抽獎遊戲嘅禮品係2客雪糕~~❤️ 乳酸味雪糕, 啖啖嘅益力多味, 簡簡單單又有驚喜嘅甜品! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-23
1389 瀏覽
福岡.烏龍魚男以親民價的Omakase作招徠。夠平價之外,也一反傳統不會逐件奉上,而是改以一個九段梯級式的木層架呈上,相當浮誇又eye-catching!裝潢簡潔明亮,整齊企理。壽司吧枱上擺放了不少巨型九段梯級式的木層架。入座後會送Welcome drink;細細杯的柚子茶口感似柚子梳打,甜甜的很開胃。特盛魚男九段盛刺身 配刺身丼或鮮魚湯烏龍麵 ($328)刺身款式是按時令每日不同;賣相確實很震撼,真的很Instagramable,難怪開業不久便吸引了不少人去朝聖拍照打卡!店員建議由最高層開始吃,由淡味食到濃味。拖羅質感鬆軟,入口即溶,魚油豐厚腴美;但欠缺鮮味。刺身丼賣相精美,味道不錯。西京銀雪魚燒 ($128)有點過了火猴,某部份燒燶了,不過肉質仍然保持嫩滑。鹽燒牛脷串 ($38)牛脷很厚肉,肉質很韌,很難咬開。香草燒羊架 ($58)質地軟腍,但沒有羊味。整體來說,賣相精美,但味道及質素一般。 繼續閱讀
(以上食評乃用戶個人意見 , 並不代表OpenRice之觀點。)