影片
更多
2019-03-02
56 瀏覽
網池刺身(半條) $118睇落似白身魚，但入口卻會散發出油香，薄切都feel到😍而且鮮甜沒有腥味~壽司盛盒(八件) $248我食咗帶子帆立貝、牡丹蝦、深海池魚同海膽，帆立貝入口嫩滑，牡丹蝦蝦肉飽滿且甜美、口感爽身，不會黏口；深海池魚肉質細緻鮮美；海膽creamy鮮甜無腥，全部都非常出色！吞拿魚赤身多數都有筋，值得一讚係師傅刀工不俗，順住個方向切，令客人食落唔會感覺有筋，可以享受到魚肉細嫩感!!下次絕對會Encore呢個盛盒。原條成田醬炭火燒鰻魚飯 $128呢排見呢個鰻魚飯上咗top 10，但我之前係覺得一般，因為燒得太干硬。不過鰻魚控嘅我，每次見到鰻魚飯都忍唔住點，重點$128呢個價錢原條係好抵食，順便試吓有無變好咗~佢呢隻汁唔係蒲燒汁嗰種甜甜的，係偏鹹嗰種，我自己就鍾意原汁原味，唔鍾意咁多醬汁，所以就要汁另上。今次鰻魚入口的確細嫩左，雖然尾巴部份都係比較焦硬，因為始終嗰啲位比較薄，不過keep到魚皮係煙韌。其他部位個魚皮入口即溶，相當肥美，肉質爽彈又細嫩，的確比上次出色好多！唯一要挑剔嘅就係飯，雖然係用日本米，但就偏硬，改善埋呢點就Perfect！蟹膏醬燒北海道帶子 $138呢個絕對
網池刺身(半條) $118睇落似白身魚，但入口卻會散發出油香，薄切都feel到😍而且鮮甜沒有腥味~
壽司盛盒(八件) $248
我食咗帶子帆立貝、牡丹蝦、深海池魚同海膽，帆立貝入口嫩滑，牡丹蝦蝦肉飽滿且甜美、口感爽身，不會黏口；深海池魚肉質細緻鮮美；海膽creamy鮮甜無腥，全部都非常出色！吞拿魚赤身多數都有筋，值得一讚係師傅刀工不俗，順住個方向切，令客人食落唔會感覺有筋，可以享受到魚肉細嫩感!!
下次絕對會Encore呢個盛盒。
原條成田醬炭火燒鰻魚飯 $128
呢排見呢個鰻魚飯上咗top 10，但我之前係覺得一般，因為燒得太干硬。不過鰻魚控嘅我，每次見到鰻魚飯都忍唔住點，重點$128呢個價錢原條係好抵食，順便試吓有無變好咗~
佢呢隻汁唔係蒲燒汁嗰種甜甜的，係偏鹹嗰種，我自己就鍾意原汁原味，唔鍾意咁多醬汁，所以就要汁另上。
今次鰻魚入口的確細嫩左，雖然尾巴部份都係比較焦硬，因為始終嗰啲位比較薄，不過keep到魚皮係煙韌。其他部位個魚皮入口即溶，相當肥美，肉質爽彈又細嫩，的確比上次出色好多！唯一要挑剔嘅就係飯，雖然係用日本米，但就偏硬，改善埋呢點就Perfect！
蟹膏醬燒北海道帶子 $138
呢個絕對係encore款，蟹膏醬份量一啲都唔孤寒，鮮甜唔會過鹹！帶子有四大粒，入口依然好嫩，處於七成熟嘅階段！而且非常厚身，絕對唔係普通帶子嗰隻！下面菇嘅份量都好多，少許牛油香，加上蟹膏醬撈埋一齊食簡直無得頂！
張貼
