影片
更多
2021-10-14
126 瀏覽
朋友介紹咗去鯉景灣下邊食日本菜，之前幫襯過另一間都幾貴，呢間好似裝修簡潔D。坐低見到佢個餐牌上都幾多壽司同埋刺身，好多產地直送，應該水準唔錯，同埋見到佢有著名用日本米。坐低叫咗隻杯生啤係三得利嘅生啤，入口冰凍，而家仲係買一送一。見佢咁多魚生，所以叫咗個本鮪壽司盛，有赤身，中及大拖羅，魚肉真係幾新鮮，其實自己最鍾意嘅係醬油赤身，不過原味嘅都OK，大拖羅有油份，魚味豐富，入口難得無根位，油份充足。之後嗌左個海膽，雖然只係加拿大出產，不過味道都唔錯，差唔多有一版嘅份量，配埋少少青瓜絲紫菜及飯團，有海水味得來又有回甘味，最緊要份量夠多，非常大滿足。之後嗌咗北海道厚岸生蠔，入口冰凍，非常之creamy，味道清甜，金屬味唔會過重。生薑燒安格斯牛肉丼，上枱牛肉份量好豐富，個牛肉汁非常之惹味，有少少生薑同埋洋蔥配合，味道濃郁，配埋底嘅柔軟有米香氣的日本米，非常好食。另外再叫咗個蒲燒鰻魚丼，上枱擺盤好漂亮有個染咗色嘅蓮藕片及玉子燒，鰻魚肉正常，個汁非常之濃郁，不過感覺有啲過甜，配埋個飯就啱啱好。價錢幾合理，魚生做得夠出色的日本餐廳！
坐低見到佢個餐牌上都幾多壽司同埋刺身，好多產地直送，應該水準唔錯，同埋見到佢有著名用日本米。坐低叫咗隻杯生啤係三得利嘅生啤，入口冰凍，而家仲係買一送一。
見佢咁多魚生，所以叫咗個本鮪壽司盛，有赤身，中及大拖羅，魚肉真係幾新鮮，其實自己最鍾意嘅係醬油赤身，不過原味嘅都OK，大拖羅有油份，魚味豐富，入口難得無根位，油份充足。
之後嗌左個海膽，雖然只係加拿大出產，不過味道都唔錯，差唔多有一版嘅份量，配埋少少青瓜絲紫菜及飯團，有海水味得來又有回甘味，最緊要份量夠多，非常大滿足。
之後嗌咗北海道厚岸生蠔，入口冰凍，非常之creamy，味道清甜，金屬味唔會過重。
生薑燒安格斯牛肉丼，上枱牛肉份量好豐富，個牛肉汁非常之惹味，有少少生薑同埋洋蔥配合，味道濃郁，配埋底嘅柔軟有米香氣的日本米，非常好食。
另外再叫咗個蒲燒鰻魚丼，上枱擺盤好漂亮有個染咗色嘅蓮藕片及玉子燒，鰻魚肉正常，個汁非常之濃郁，不過感覺有啲過甜，配埋個飯就啱啱好。
價錢幾合理，魚生做得夠出色的日本餐廳！
張貼
