灣仔魚欄洪記魚鮮米線專門店 (已結業)

今日同朋友上完堂，經過灣仔嚟間新開舖頭，大大隻字寫住試業中，好奇心驅使下就入去試試啦。原本就係愛食魚嘅我，對佢主打魚湯都好有興趣。九點入到去都好多人，職員又忙到踢晒腳咁，落單嘅方式係自己畫完卡仔交俾職員，茶水自助。我自己就嗌左個星班米線，但其實我係嗌左茄茄魚湯底，發現後同職員講佢即做忙到踢晒腳都好快幫我換左。蕃茄湯底酸酸甜甜，好開胃。條魚啲肉都好實淨有鮮味。最令我驚喜嘅係呢度竟然有溏心蛋食，而個溏心蛋係真係甜嘅。朋友仔因爲乜都想試，所以嗌左個珍寶米線，乜都有啲。而呢碗米線真係比一人份大好多，因為佢係二人份量🙈好彩餐廳可以叫扣底，如果唔係真係會食唔晒。相比之下，大過你塊面🤣另外最最最值得推介係個墨魚餅，真係超級彈牙👍🏼配埋個泰式辣醬真係絕配。最後加埋個凍檸樂，真係飽飽。