尚上下夏 - 養生雞煲火鍋 (已結業)

又係打邊爐嘅時間，本人真係十分之鍾意打邊爐！ 今日嚟到呢間「尚上夏下」，聽個名幾特別，同幾個朋友嚟試。 係有啲懷舊風嘅，不過都唔會坐得好唔舒服。 過咗一陣之後仲轉左去卡位。呢度啲海鮮新鮮嘅， 我哋叫咗大蜆同白鱔片。海鮮類很新鮮爽甜，蜆仲唔會有沙！仲有個叫做鬼馬墨魚好推介，滾熟墨魚果面，搭上外面脆香嘅油炸鬼，打邊爐都係要食呢啲先至過癮。當然唔少得牛啦，叫左個手切牛，牛味香濃又嫩滑，算係性價比比較高嘅一間打邊爐鋪頭！ 最最最重要，我覺得打邊爐嘅靈魂就係有得混醬！ 蔥蒜辣椒當然唔少得，都有供應！係食得好滿足嘅一餐打邊爐。