影片
更多
2008-07-28
55 瀏覽
去青山灣食海鮮一向只識去容龍或「唔好食所以超級唔抵食」的海天, 唔係地膽朋友帶路, 都唔知原來呢度有個小炒檔, 仲可以自攜海鮮俾佢炮製. 為0左迎合「鬼味」, 海鮮 and/or 烹調方法都揀了平日唔會揀的, 要了咖喱蟹, 避風塘瀨尿蝦, 豉椒炒蜆, 加一條蒸魚; 另外加碟炒通菜及一個生炒骨.咖喱蟹似乎係呢度的招牌之一? 蟹係膏蟹, 膏一般多, 仲融入了 d 汁度, 令 d 汁多了一份甘香層次, 十分惹味, 送飯一流, 不過對食唔得辣的我0黎講, 都真係幾辣, 一路食一路飲了唔少汽水. 呢個咖喱蟹係幾好食的, 不過當然, 食膏蟹我都係鍾意原汁原味, 就咁清蒸 / 配糯米飯就最正.因為怕辣, 一向好少食避風塘菜色, 但呢日的避風塘瀨尿蝦都唔係真係咁辣, 加上炸蒜粒好香口, 都唔錯. 瀨尿蝦幾好肉地, 鬼同事們仲分到了唔少膏, 可惜唔係個個都識欣賞. 而我分到0個件就丁點膏都無, 睇住鬼同事暴殄天物, 真係有苦自己知. 「鬼味」果然係「鬼味」, 吹脹!一向 prefer 豉椒炒蟶子, 呢日的就係豉椒炒蜆... d 汁濃濃的, 夠晒味又幾辣, 幾惹味; 蜆就好韌, 味道一般鮮,
咖喱蟹似乎係呢度的招牌之一? 蟹係膏蟹, 膏一般多, 仲融入了 d 汁度, 令 d 汁多了一份甘香層次, 十分惹味, 送飯一流, 不過對食唔得辣的我0黎講, 都真係幾辣, 一路食一路飲了唔少汽水. 呢個咖喱蟹係幾好食的, 不過當然, 食膏蟹我都係鍾意原汁原味, 就咁清蒸 / 配糯米飯就最正.
因為怕辣, 一向好少食避風塘菜色, 但呢日的避風塘瀨尿蝦都唔係真係咁辣, 加上炸蒜粒好香口, 都唔錯. 瀨尿蝦幾好肉地, 鬼同事們仲分到了唔少膏, 可惜唔係個個都識欣賞. 而我分到0個件就丁點膏都無, 睇住鬼同事暴殄天物, 真係有苦自己知. 「鬼味」果然係「鬼味」, 吹脹!
一向 prefer 豉椒炒蟶子, 呢日的就係豉椒炒蜆... d 汁濃濃的, 夠晒味又幾辣, 幾惹味; 蜆就好韌, 味道一般鮮, 最唔掂係好多沙0下, 隻隻「霹靂啪0勒」, 超級掃興. 不過難得鬼同事們好欣賞, 算啦.
海魚蒸得剛好, 味道鮮, 肉嫩滑, 正! 咁多樣呢個最好食, 不過本身條魚夠新鮮, 都幾難唔好食吧.
菠蘿生炒骨亦唔錯 -- d 汁酸多過甜, 幾對口味, 可惜唔夠脆啦.
環境地 mou, 但海風 + 風扇一齊吹住, 十分涼爽, 而且以半露天0黎講, 衛生情況十分好, 令人諗起跑馬地 / 九龍城街市的熟食中心; 阿姐阿叔們幾友善, 招呼絕對好過隔0黎海天好多!
油水 + 海鮮每人 $200, 雖然「鬼味」關係食得未夠盡興, 但海鮮餐0黎講算十分經濟, 幾抵的.
張貼
