歡喜燒 (已結業)

放工同朋友去食 串燒放題, 歡喜燒係樓上舖地方幾大, 坐得寬敞舒服, 我鍾意佢無煙無火室內燒烤, 乾淨衛生。串燒自助區款式好多, 豬牛雞肉類、丸類、蔬菜, 任攞任食自己燒, 放上電燒烤爐, 自動旋轉火力均勻, 估唔到又燒得幾快, 一陣陣焦香撲鼻, 令人垂涎欲滴！除咗串燒仲有自助熟食區, 咖哩魚蛋、炸雞翼、炒蜆、蒜蓉西蘭花。仲可以點白芍菜心、燒茄子、漢堡包仔等, 啱曬我啲咁心急嘅人！放題任飲是常識, 呢度有三個大雪櫃款式幾多。甜品除咗有雪糕、奶凍, 最特別係有芋圓涼粉, 煙煙靭靭, 冰涼解暑！今餐真係飽肚又滿足！