Bellevue Bar and Grill (已結業)

同朋友嚟食晚飯，呢度位於大廈最頂層可以俯瞰旺角夜景，加埋燭光同唔錯嘅氣氛，都幾適合拍拖或者慶祝餐包款式都幾獨特，橄欖包幾香，而粟米包就甜甜地，有種粟米湯嘅感覺。兩個餐包都外脆內軟，幾啱配餐湯食！烤加拿大豬架烤豬架有驚喜，雖然偏熟但咬落完全唔韌，真係食到啖啖肉！豬架食落有烤嘅香氣之餘仲保留到佢本身嘅肉汁。伴碟嘅薯蓉有少少蒜香，加埋青紅椒等嘅配菜都幾夾，令到成個賣相都幾吸引。烤緬因州龍蝦尾伴龍蝦汁扁意粉龍蝦尾都唔細條，肉質仲鮮甜爽口，龍蝦汁幾香而且索曬落意粉度，意粉嘅texture 亦剛好，加上番茄同蘑菇都幾開胃，值得一試。焗火焰雪山火焰雪山除左值得打卡之外，佢都係一個非常重酒香嘅甜品。焗蛋白入面包住左幾香濃嘅朱古力雪糕、果醬同海綿蛋糕，配埋唔少生果都幾好食。Margarita酒味濃，都飲到新鮮青檸香。值得一讚嘅係服務，侍應有禮而且主動換餐具同介紹menu。