影片
更多
2022-08-06
94 瀏覽
Sky728係好多人打卡既餐廳，因為位於26樓既佢擁有一個鬧市夜景，遠挑仲望到少少海景，無敵大玻璃完全可以將鬧市景色映入眼簾，入夜後嘅景色更為浪漫💕我哋啱啱七點入座，天色仲未入黑，仲可以望住由日落到夜晚嘅景色，淨係坐喺度都覺得抵南瓜蟹肉湯（$78）呢個湯仲配咗餐包，餐包熱辣辣好鬆軟。熱蟹肉份量都幾多，所以呢個湯算幾抵飲香草牛油焗脆殼田螺 （$188）呢個田螺幾特別，因為佢個殼係脆嘅，你可以成粒一齊食🤣下面配有薯蓉，成個餸都焗得幾香香煎海鱸魚伴鹹肉蘭度豆（$318）海鱸魚都幾大嚿，肉質算煎得幾嫩滑。反而我最欣賞伴菜嘅鹹肉蘭度豆，佢個忌廉醬汁同個豆好配，幾有特色，平時啲西餐廳好少食到珍寶虎蝦意大利飯伴龍蝦牛油汁（$218）有三隻珍寶虎蝦，而且都幾大隻，食落都仲有鮮味，唔係雪到霉晒嗰啲蝦🤣佢嘅意大利飯我覺得特別好食，因為佢嘅牛油味好香，龍蝦汁亦好鮮甜火焰朱古力球（$88）係咁靚嘅環境，要食返個甜品作為結尾。呢個火焰朱古力球係sky 726嘅signature，平時就係見到有好多人打卡呢個甜品🤣🤣今次終於到我食到。上碟嘅時候，店員會點着個火，之後你就會見到外層嘅朱古力球慢慢溶化，裏面係一個雲呢
Sky728係好多人打卡既餐廳，因為位於26樓既佢擁有一個鬧市夜景，遠挑仲望到少少海景，無敵大玻璃完全可以將鬧市景色映入眼簾，入夜後嘅景色更為浪漫💕
我哋啱啱七點入座，天色仲未入黑，仲可以望住由日落到夜晚嘅景色，淨係坐喺度都覺得抵
南瓜蟹肉湯（$78）
呢個湯仲配咗餐包，餐包熱辣辣好鬆軟。熱蟹肉份量都幾多，所以呢個湯算幾抵飲
香草牛油焗脆殼田螺 （$188）
呢個田螺幾特別，因為佢個殼係脆嘅，你可以成粒一齊食🤣下面配有薯蓉，成個餸都焗得幾香
香煎海鱸魚伴鹹肉蘭度豆（$318）
海鱸魚都幾大嚿，肉質算煎得幾嫩滑。反而我最欣賞伴菜嘅鹹肉蘭度豆，佢個忌廉醬汁同個豆好配，幾有特色，平時啲西餐廳好少食到
珍寶虎蝦意大利飯伴龍蝦牛油汁（$218）
有三隻珍寶虎蝦，而且都幾大隻，食落都仲有鮮味，唔係雪到霉晒嗰啲蝦🤣佢嘅意大利飯我覺得特別好食，因為佢嘅牛油味好香，龍蝦汁亦好鮮甜
火焰朱古力球（$88）
係咁靚嘅環境，要食返個甜品作為結尾。呢個火焰朱古力球係sky 726嘅signature，平時就係見到有好多人打卡呢個甜品🤣🤣今次終於到我食到。
上碟嘅時候，店員會點着個火，之後你就會見到外層嘅朱古力球慢慢溶化，裏面係一個雲呢拿雪糕，燒咗10秒到你就要自己吹熄，佢唔係就會窿㗎喇。味道方面可能因為要點火嘅關係，所以會有較濃嘅酒味，所以一定要同個雪糕一齊食，中和返啲味道就會啱啱好。
張貼
