影片
更多
2018-10-03
279 瀏覽
揸住架車去邊，梗係搵啲餐廳可以泊車喺門口，直接入去食嘢嘅餐廳啦。俾我搵到一間係尖沙咀嘅中菜，仲有代客泊車係出面，食飯嘅時候唔使心掛掛會唔會抄牌。餐廳上樓梯一樓已經係，佔全層，座位有大圓枱同埋卡位選擇，店員隨即安排我哋坐金魚缸附近嘅卡位位置。店員服務周到，非常體貼，隨即開咗一壺茶俾我哋四位。一邊飲住茶一邊揀嘢食，原來餐牌上都有多款食物選擇，樣樣都好想試吓！一向鍾意飲湯水嘅我，隨即叫咗一鍋明廚阿寶靚湯，是日老火湯係紅蘿蔔冬瓜肉排雞湯，見到啲色水咁濃郁-黃色，飲落去果然非常鮮甜，雞味香濃，仲有湯渣可以點豉油食。主菜當中見到醒胃話梅雞，平時係出面餐廳都食唔到，所以好奇之下想試吓。估唔到半隻嘅份量都幾多，而且底下有好多汁，雞件食落去肉質鮮嫩，質感都幾林，而且好入味，味道酸酸甜甜，真係好開胃。另外仲有女士們最鍾意嘅金磚豆腐，感覺食落去皮膚都滑啲，外皮香脆之餘，入面嘅豆腐非常滑溜，有一點入口即溶嘅口感。除此之外，雪山花之戀嘅賣相非常特別精美。最後當然要叫返一個蔬菜清一清腸胃-香江懷舊雜菜煲。成班朋友仔一齊食四個人$1000埋單，每人平均消費$250，個人認為位於尖沙咀區，屬於價錢合理、性價比高嘅中菜
揸住架車去邊，梗係搵啲餐廳可以泊車喺門口，直接入去食嘢嘅餐廳啦。俾我搵到一間係尖沙咀嘅中菜，仲有代客泊車係出面，食飯嘅時候唔使心掛掛會唔會抄牌。
餐廳上樓梯一樓已經係，佔全層，座位有大圓枱同埋卡位選擇，店員隨即安排我哋坐金魚缸附近嘅卡位位置。
店員服務周到，非常體貼，隨即開咗一壺茶俾我哋四位。
一邊飲住茶一邊揀嘢食，原來餐牌上都有多款食物選擇，樣樣都好想試吓！
一向鍾意飲湯水嘅我，隨即叫咗一鍋明廚阿寶靚湯，是日老火湯係紅蘿蔔冬瓜肉排雞湯，見到啲色水咁濃郁-黃色，飲落去果然非常鮮甜，雞味香濃，仲有湯渣可以點豉油食。
主菜當中見到醒胃話梅雞，平時係出面餐廳都食唔到，所以好奇之下想試吓。估唔到半隻嘅份量都幾多，而且底下有好多汁，雞件食落去肉質鮮嫩，質感都幾林，而且好入味，味道酸酸甜甜，真係好開胃。
另外仲有女士們最鍾意嘅金磚豆腐，感覺食落去皮膚都滑啲，外皮香脆之餘，入面嘅豆腐非常滑溜，有一點入口即溶嘅口感。
除此之外，雪山花之戀嘅賣相非常特別精美。
最後當然要叫返一個蔬菜清一清腸胃-香江懷舊雜菜煲。
成班朋友仔一齊食四個人$1000埋單，每人平均消費$250，個人認為位於尖沙咀區，屬於價錢合理、性價比高嘅中菜之一。
張貼
