影片
更多
2017-09-19
201 瀏覽
今日係中環區工作，夜晚搵吓有乜嘢食好，經過見到有一間上樓嘅意大利菜叫做《Amici》，上到去雖然地方唔算好大，但係裝修好華麗氣派，顏色以深藍色為主，而且座位舒適，又有音樂聽，唔錯唔錯。餐牌有「二人套餐」同埋多款新鮮生蠔選擇，仲有散叫食物。二人套餐分別有唔同價錢，相對地有唔同價錢嘅食物，我哋就叫咗一個「$438套餐」，再加一個主菜一齊share食。餐廳職員服務很好，而且好細心，即刻俾咗兩杯水我哋，同埋一板「餐包」，可以俾我哋醫住肚先。餐包中有兩款麵包共四件，一款好似Pizza咁嘅麵包咬落去好脆，另外一款好鬆軟，而餐包出到嚟已經熱辣辣的，再配埋啲醬汁一齊食，原來都幾滋味。頭盤我哋揀咗「特色蟹餅」，賣相已經好吸引了，一個圓圈嘅波波炸到好香脆可口，蟹餅下面仲有少少醬汁做點綴，食落去入面好鬆軟，外面好脆，簡直稱得上外脆內軟嘅口感，滿口都係蟹肉，果然足料。精選是日餐湯係「南瓜忌廉湯」，入面有三粒脆麵包糠做點綴，忌廉湯味道剛剛好，唔會太鹹太淡，而且湯入面充滿南瓜蓉，飲落去好Creamy，好好飲。主菜就叫咗「慢煮新西蘭牛柳配燒汁」，牛魔王嘅我哋已經覺得賣相好吸引，我哋叫咗七成熟，切落去牛柳中間係粉紅色
餐牌有「二人套餐」同埋多款新鮮生蠔選擇，仲有散叫食物。二人套餐分別有唔同價錢，相對地有唔同價錢嘅食物，我哋就叫咗一個「$438套餐」，再加一個主菜一齊share食。
餐廳職員服務很好，而且好細心，即刻俾咗兩杯水我哋，同埋一板「餐包」，可以俾我哋醫住肚先。餐包中有兩款麵包共四件，一款好似Pizza咁嘅麵包咬落去好脆，另外一款好鬆軟，而餐包出到嚟已經熱辣辣的，再配埋啲醬汁一齊食，原來都幾滋味。
頭盤我哋揀咗「特色蟹餅」，賣相已經好吸引了，一個圓圈嘅波波炸到好香脆可口，蟹餅下面仲有少少醬汁做點綴，食落去入面好鬆軟，外面好脆，簡直稱得上外脆內軟嘅口感，滿口都係蟹肉，果然足料。
精選是日餐湯係「南瓜忌廉湯」，入面有三粒脆麵包糠做點綴，忌廉湯味道剛剛好，唔會太鹹太淡，而且湯入面充滿南瓜蓉，飲落去好Creamy，好好飲。
主菜就叫咗「慢煮新西蘭牛柳配燒汁」，牛魔王嘅我哋已經覺得賣相好吸引，我哋叫咗七成熟，切落去牛柳中間係粉紅色，食落去牛柳質感好鬆軟，唔會好硬，本身牛柳都好夠味，再配以佢啲香草汁一齊食，滿口都係好新鮮嘅牛肉味道。除此之外，配菜係蘆筍條同埋蘿蔔條等等，同樣地都好入味，必食菜式之一！
另外我哋叫咗個Pasta就係「Rigatoni Arrabiata」，遠處已經聞到好香嘅番茄香草味道，長通粉好入味，而且好軟身，醬汁非常特別，Mix埋一齊好好食，好快我哋就食晒了。
套餐嘅甜品係「焦糖燉蛋」，用一Set餐具去裝住，呢個焦糖燉蛋係我有史以來人生中食過最好食嘅一間，焦糖燉蛋面頭上面啲糖漿，唔算太甜味道剛剛好，最重要係佢入面啲燉蛋非常滑！有軟綿綿嘅口感，配搭埋啲焦糖一齊食，簡直無得頂！
飲品方面我哋叫咗杯「凍檸茶」，最後埋單都只係＄600左右，仲有八五折添，喺中環區算係相當便宜嘅一餐晚飯了！張貼
