影片
更多
2020-11-14
149 瀏覽
今日與男友既慶祝日，想去一間較fine dining 又有靚景既地方食， 朋友介紹左一間位於旺角既享高樓層飽覽無遺既靚景，又有高質食物既餐廳， 於是特登book 日子去食。星期六中午去到， 已經幾乎滿座， 好彩有book 位 如果唔係有排等。 第一眼望去樓底真係超高， 餐廳好花心機係裝横， 連牆壁都有圖案， 餐廳亦有專屬酒吧，整體好有R&B 情調。見到人地座位望到海， 雖然冇海景位睇， 但我地個景都唔差， 有開揚既街景。餐牌有假日brunch set, 價錢唔算太貴，98~200 不等， 我地揀左燒烤汁焗雞扒同埋慢煮豬腩肉伴野菌意大利飯。再配前菜，餐湯同甜品先黎沙律，希臘沙律同慢煮八爪魚溫室青瓜既沙律菜各有不同。我比較中意希臘沙律，因為有黑橄欖同芝士配上新鮮沙律菜真係好味好多而慢煮八爪魚係冷盤， 八爪魚經過慢煮， 一啲都唔un, 反而有少少爽既質感我更加喜歡。再上係麵包同餐湯， 即使係餐湯呢間餐廳都會悉心準備， 今次係芹菜頭忌廉湯， 兩樣我都有驚喜， 香草包熱上， 香草味好香好濃， 加上少少牛油， 已經令層次昇華， 麵包非常軟熟。而餐湯亦都值得一讚， 本身我對芹菜一般， 但忌廉湯內芹菜
星期六中午去到， 已經幾乎滿座， 好彩有book 位 如果唔係有排等。 第一眼望去樓底真係超高， 餐廳好花心機係裝横， 連牆壁都有圖案， 餐廳亦有專屬酒吧，整體好有R&B 情調。
見到人地座位望到海， 雖然冇海景位睇， 但我地個景都唔差， 有開揚既街景。
餐牌有假日brunch set, 價錢唔算太貴，98~200 不等， 我地揀左燒烤汁焗雞扒同埋慢煮豬腩肉伴野菌意大利飯。再配前菜，餐湯同甜品
先黎沙律，希臘沙律同慢煮八爪魚溫室青瓜既沙律菜各有不同。
我比較中意希臘沙律，因為有黑橄欖同芝士配上新鮮沙律菜真係好味好多
而慢煮八爪魚係冷盤， 八爪魚經過慢煮， 一啲都唔un, 反而有少少爽既質感我更加喜歡。
再上係麵包同餐湯， 即使係餐湯呢間餐廳都會悉心準備， 今次係芹菜頭忌廉湯， 兩樣我都有驚喜， 香草包熱上， 香草味好香好濃， 加上少少牛油， 已經令層次昇華， 麵包非常軟熟。而餐湯亦都值得一讚， 本身我對芹菜一般， 但忌廉湯內芹菜味岩岩好， 忌廉味中和番草青味， 所以都好好飲。
主菜先上risotto, 點餐前待應好細心問我risotto 想淋身d 定係適中， 因為我中意risotto 生d 有咬口， 所以揀左適中。而煮左出黎既硬度， 的確係我最中意既水平而且既腩肉原來同risotto 真係好match, 腩肉油份同埋risotto 既汁， 再加埋爽口野菌一齊食，超級正。 另外我分開食腩肉都好高質， 佢唔係好膩個d 腩肉， 肥瘦適中， 女仔食都唔覺肥。
另外燒烤汁雞扒都係另一驚喜之作， 初頭以為呢個價錢， 都唔期望好大塊， 但上菜時都驚訝雞扒都好大舊， 仲有配菜， 認真唔錯。燒烤汁雖然睇落比較黑， 但係調落係咸甜度適中， 有d 蜜汁味， 雞皮係燒烤汁焗底下外皮脆口， 入面肉質非常juicy(仲啖啖肉）。
最後個甜品係tiramisu, 味道稍甜， 如果有酒味更加好。
如果係慶祝節日， 我絕對推介呢間餐廳， 因為每個店員都好有禮貌好細心， 服務亦都一絲不苟， 好似fine dining 咁完左course, 會幫你收餐具， 又會幫手加水等等， 服務真係滿分。
張貼
