Oldish (已結業)

(申報:沒有收到餐款待或試食優惠)中午時間同事建議去遠少少先新野，有上環地鐵站行過去都需要大約15至20分鐘路程，中間經過幾條車鹵同埋樓梯，走出鬧市，去到一條比較寧靜小路既盡頭，向估你唔到嘅地方出現一間十分精緻嘅餐廳。入到去簡直覺得署身於外國一樣，無論掛畫同枱上邊嘅裝飾及西式餐具搭中式牙簽筒，都十分懷舊同優閒嘅感覺。有啲枱上邊仲有滿天星嘅花添。叫咗一份Egg benedict 嘅lunch set ($140),  有蕃茄湯，跟set 既野飲叫咗杯凍嘅蘋果玫瑰花茶。番茄湯好重蕃茄味（講咗好似冇講咁） ，好濃味， 但係好似咸左少少咁。主菜：Egg Benedict 有一大半都係菜（十分好，因為我好鍾意食菜），個包上牛油果同煙三文魚做配料，個醬有好重嘅蛋味。最估唔到係有牛油果，因為通常出邊嗰啲只有煙三文魚同小菜，所以依個set對我來講，都算係好抵食啦。最後就係杯野飲，都有驚喜嘅配搭，酸味味嘅蘋果配上凍既玫瑰花茶， 同時滿足味覺同嗅覺。