DOUX位於18樓，仲有落地大玻璃，可以俯瞰旺角夜景！餐廳播住輕快既音樂，加上柔和燈光，令人感覺很輕鬆！
首先黎個沙律先 - 輕煎北海道帶子甘藍沙律
兩粒北海道帶子都超大粒，好厚肉！
味道好鮮甜，煎得剛好，好香
！羽衣甘藍本身冇乜味道，但配上甜甜酸酸既沙律醬又幾好味喎！烤伊比利亞黑毛豬鞍配法式黑醋蜜糖汁
第一次食伊比利亞黑毛豬，佢既肉質鮮嫩，師傅煎得剛好，外脆內軟，仍保存左肉汁，好juicy！
配上黑醋汁同蜜糖汁，酸酸甜甜咁，幾開胃，一啲都唔會覺得膩！還有值得一提既配菜。軟綿既紫薯同爽口既秋葵形成對比，呢個配答唔錯！西西里開邊牛油龍蝦龍粉
賣相非常吸引！碟既周邊都非常乾淨，內裡裝得滿滿的，但非常整齊，可見廚師真係用左好多心機去擺每一道菜
西西里龍蝦肉質爽口彈牙，好入味！意粉就林左少少，不過我個人都覺得ok既
意粉配有紅番茄及黃番茄，既有濃郁既番茄味又有龍蝦味，好滋味！虹吸式花果手工茶
Menu見到呢個花茶賣相得意，貪得意叫黎試下
首先店員開個火將茶煮沸，利用引力將茶由下至上吸到上面既器皿，又幾得意喎！
呢個手工茶唔止設計特別，仲好香花果味道！內有菠蘿、薰衣草、玫瑰花等等！可能係即場在我面前煮既關係，新鮮滾熱辣，感覺特別香濃，但又不太甜，個人十分喜愛
兩個女仔，甜品當然係唔少得啦！
呢個甜品造型特別，巨大既火柴盒其實係橙味mousse蛋糕，上面再加上一塊印有「狗頭火柴」圖案既白朱古力！
呢個mousse蛋糕口感軟綿，有淡淡既橙香味，中間仲有咖啡cream夾心，好似食緊橙味Tiramisu 咁，幾特別！
而兩支大型火柴其實係牛油酥餅，火柴頭有士多啤梨味，幾得意！傾下傾下又一個晚上，好飽飽好滿足
