影片
更多
2020-10-19
110 瀏覽
尖沙咀又有新餐廳開幕，今次黎到位於亞士厘道嘅西日fusion餐廳，門口嘅霓虹燈牌就好似漆黑中嘅極光，亦姐係店名Aurora嘅意思👀餐廳大玩fusion菜，大部份食材用料矜貴，例如龍蝦、海膽等；餐廳環境亦好闊落，背景播住輕快嘅DJ remix歐美音樂，收工同同事黎happy hour會係個唔錯嘅選擇👍🏻《刺身 油甘魚腩》油甘魚嘅刺身就食得多，有腩位提供嘅餐廳就真係少見，三片刺身好厚切，估唔到腩位嘅肉質會係實在同爽口，口感好得意😝另外擺盤亦好講究，好喜歡刺身碟嘅花紋🌼《燒油甘魚鰭》燒得金黃，連魚皮都燒到卜卜脆好香口，魚肉就一啲都唔乾身，好滑之餘仲啖啖魚油香，驚喜在伴碟有好多沙律菜😝《西班牙乳豬 1/4》✨✨✨係好驚艷嘅乳豬😍1/4份量都好多，夠晒兩個人share！甘香而閃閃發亮嘅乳豬皮，簡直係邪惡😍豬肉充滿油脂香，好嫩嘅肉，連埋爽脆嘅皮食，層次好豐富！如果食膩咗，仲可以食埋旁邊嘅菠蘿莎莎，酸酸咪咪好醒胃😋👍🏻係整晚最喜愛嘅菜式❗️《慢煮紐西蘭羊架配薯蓉》慢煮嘅羊肉特別鮮嫩，最中間嘅位置仲係淡淡嘅粉紅色，剛好嘅熟度👍🏻因為食材新鮮，簡單淋上燒汁已經係足夠嘅調味，特別欣賞佢嘅薯蓉，好滑好香牛油
餐廳大玩fusion菜，大部份食材用料矜貴，例如龍蝦、海膽等；
餐廳環境亦好闊落，背景播住輕快嘅DJ remix歐美音樂，收工同同事黎happy hour會係個唔錯嘅選擇👍🏻
《刺身 油甘魚腩》
油甘魚嘅刺身就食得多，有腩位提供嘅餐廳就真係少見，三片刺身好厚切，估唔到腩位嘅肉質會係實在同爽口，口感好得意😝另外擺盤亦好講究，好喜歡刺身碟嘅花紋🌼
《燒油甘魚鰭》
燒得金黃，連魚皮都燒到卜卜脆好香口，魚肉就一啲都唔乾身，好滑之餘仲啖啖魚油香，驚喜在伴碟有好多沙律菜😝
《西班牙乳豬 1/4》✨✨✨
係好驚艷嘅乳豬😍1/4份量都好多，夠晒兩個人share！甘香而閃閃發亮嘅乳豬皮，簡直係邪惡😍豬肉充滿油脂香，好嫩嘅肉，連埋爽脆嘅皮食，層次好豐富！如果食膩咗，仲可以食埋旁邊嘅菠蘿莎莎，酸酸咪咪好醒胃😋👍🏻係整晚最喜愛嘅菜式❗️
《慢煮紐西蘭羊架配薯蓉》
慢煮嘅羊肉特別鮮嫩，最中間嘅位置仲係淡淡嘅粉紅色，剛好嘅熟度👍🏻因為食材新鮮，簡單淋上燒汁已經係足夠嘅調味，特別欣賞佢嘅薯蓉，好滑好香牛油味😋
最後要讚一讚店員嘅態度誠懇，由入門嘅招迎到用完餐後會主動問番我地嘅食後感，有咩意見等等，精益求精嘅精神值得好好支持👍🏻😊
張貼
