66
5
0
港鐵尖沙咀/尖東站 L5 出口, 步行約2分鐘 繼續閱讀
電話號碼
39745761
開飯介紹
Aurora,英國的英文解作極光,美國的英文解作 #曙光,探索,就是為了尋求希望及曙光。我們將會提供高質的西餐及日本菜,務求你在城市裡找到一點美食的希望。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master 現金 AE
其他資料
網上訂座
電話訂座 詳細介紹
賞訂座積分
有關獎賞計劃
食評 (75)
等級4 2021-04-27
212 瀏覽
話說瘋魔shopping寶寶們嘅海港城優惠卷要到期了,我朋友拉埋我去。。。。。。陪佢血拼,衫吖,錢包吖仲有護膚品,買完見到海港城中心水嘅餐廳都多人排隊,太攰 唔想排隊所以行前咗幾步去咗有小食街之稱嘅亞士厘道搵食,見到有間餐廳感覺幾舒服而且乾淨光鮮,見到lunch menu食物item都啱食,就去試試! 星期日響依類型餐廳唔多有lunch set,通常都係a la carte多,依排食得中餐多,好掛住想食漢堡, 點左佢地嘅招牌漢堡!漢堡到幾厚吓,除左包內有好多食材之外,漢堡牛肉到好厚! 包內除咗有平時漢堡包有嘅生菜,酸青瓜,芝士生菜,手打牛肉之外,仲有大量煙肉!原來加埋煙肉,整個包嘅口感同味道都大大提升了!旁邊嘅薯條都好正,脆之餘仲好鬆化,條條都幾長下,食落幾過癮! 朋友食嘅係墨西哥雞卷, 裏面係大大件又軟熟嘅雞肉,啖啖肉,大量芝士,卷外面舖上蕃茄粒同牛油果醬,一路食一路健康,仲夠飽!有薯條之餘仲有好新鮮嘅沙律菜,食完十分美滿!食完餐飯,我哋仲響傾咗近一個鐘計,又無人趕我哋走嘅感覺,下次同朋友weekend想吹水都可以揀依間😊 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-26
208 瀏覽
食完呢餐美味既午餐,真係有一句可以總結了體驗:「高手在民間」。星期六日,無論去邊都好多人,就算住嘅地方,大把人嚟行山、去沙灘。諗住去市區,周圍都排晒隊等入座。尖沙咀喺呢度,近亞士厘道冇咩人,可能大家以為呢度剩係得酒吧,好方便搵位,但其實呢度有一間隱世好店。見佢有期間限定嘅日式午餐,於是我哋叫咗兩個嚟試一下。每個餐都跟有湯、前菜,包括有茶碗蒸(我至愛)、中華沙律同埋海帶味噌湯。蛋既表面超光滑,保存到鮮甜度同軟嫩既口感。入面放左一段蟹棒,其實食蒸蛋既口感為主,等茶碗蒸更顯簡單美味。手握壽司定食八貫$188三文魚、油甘魚、帶子、海膽、甘蝦、吞拿魚、比目魚裙邊、三文魚子每一件都好用擺放同裝飾,唔同既魚就配唔同既裝飾,搶眼又悅目。佢地用既係赤醋調味既飯飯,飯呈琥珀色,入口較普通的醋酸,而且帶少少酒香。金箔吞拿魚,係赤身,背部位置,脂肪少,所以肉質較實,有咬口,碎蔥油甘魚,十分肥美, 而且肉質很甘甜三文魚腩,最肥美既部位,亦都係本人最愛,厚切!黑松露帶子,肉質好厚身,超鮮甜三文魚子甘蝦,有粘粘甜甜的口感比目魚裙邊,略略灸燒左,肉質堅韌貝嚼勁,尤其火炙後,油脂被逼出,更具風味。海膽魚子,味道甘甜, 質感細膩,幾乎入口即溶三文魚子,口中綻放美麗的煙花,鮮甜味瞬間爆發卷壽司,細心品嚐赤醋壽司飯既美特上拖羅海膽丼$238中拖羅、赤身、海膽一個具三種顏色既美麗波都係用咗赤醋飯,好適合呢個油脂較重既拖羅片。每款都有3片,而且超厚同大,份量十足!拖羅顏色超吸引,屬極品中之極品!油脂達八成,佈滿精緻既魚油花紋,口感入口即化, 油香四溢而又鮮甜無比,完全唔膩!個舊海膽味道濃厚甘甜,回甘強!個份都有其他配料,增加豐富既口感同味道!下次去尖沙咀等唔到位,可以黎試下啵,估唔到以為係酒吧,點知高手在民間,同日本餐廳有得Fight! 繼續閱讀
(以上食評乃用戶個人意見 , 並不代表OpenRice之觀點。)
知道這間黃到金的西日 Fusion西餐廳是有心人所開,而且食物水準不錯,網上評價不俗,特地在某個周末來吃午餐。在多款西式與日式的午餐中,兩夫妻不約而同都點選了名字賣相都吸引的「Explorer 豐盛丼」($108),也加了 $15配以一杯咖啡和是日甜品。這「Exploror 豐盛丼」是有「味噌湯」和「茶碗蒸」附奉的。這兒的「味噌湯」與一般普通日式餐廳的有點不同,味道沒有那麼濃,但又不算淡,味噌的味道讓人可以感受到,但又不會太鹹,是一碗較為特別的「味噌湯」。「茶碗蒸」過得去,熱度足夠,配料也齊全,但蛋不夠滑,蒸的時間可能多了一點點,要是能在蒸蛋的時間上掌握得再準確些,應該會更好。主角的「Explorer 豐盛丼」的配料的確十分豐富,海膽、甜蝦、吞拿魚蓉、吞拿魚、三文魚、三文魚子、八爪魚、甜蛋、漬蘿蔔盡皆有之,各款刺身都甚為新鮮,質量俱佳,較特別的是廚師在飯面上下了一些粉紅色的魚鬆粉,味道甜甜的,就為這丼飯增添了一點特別的元素。這天的「是日甜品」竟然是「冧酒提子雪糕」,這濃甜帶有酒香味的雪糕,是我最喜歡的雪糕味道之一,這天碰上這喜歡的口味,實在令我喜出望外。兩杯一凍一熱的「咖啡」和「奶茶」,濃淡適中,就為這天的豐盛午餐劃上滿意的句號。這天的午餐其實有一段難忘的小插曲。就在我倆剛在餐廳坐下不久,侍應才剛送上「味噌湯」的時候,餐廳突然關掉全部燈光,餐廳中只剩下室外透進餐廳內的光線和掛牆電視熒光幕上發出的光,隨著電視畫面上播放出一首激勵人心的交響曲的數字版歌聲和一位侍應遞給我們的一張上面寫著 Bring Them Back的透明膠片,我意會到那時候正是12月12日12時12分,在這個特別的時刻遇上這美麗的黃色極光,實在難得,也令人難忘。隨著時間過去,餐廳燈光再次亮起,而我也繼續享用我的食物,不過這次午餐,已因此令我留下難忘的印象。我對這天在一個的特別日子特別的時刻裡享用的日式丼飯午餐相當滿意,食物和服務都有質素,下次到來,我應該會試試這兒的西餐的。 繼續閱讀
(以上食評乃用戶個人意見 , 並不代表OpenRice之觀點。)
尖沙咀既亞士厘道一向都係尖沙咀既世界桃源,雖然尖沙咀人流多,但亞士厘道位置比較偏僻,好多時侯都係搵食先會行到依個地方,時隔多年,再次黎到依一個世外桃源,發現開左一間新既餐廳,叫Auroru Fusion Restaurant,好有意境既名,極光餐廳,仲要係fusion菜,依個年頭fusion菜真係買少見少了,誤打誤撞之下搵到依一間,仲要係良心小店,就試一試佢。餐廳地理位置雖然比較偏僻,但係餐廳既裝修一啲都唔馬虎,不倫內外都裝修得美侖美奐,我坐既位置係正門口,對正bar台,睇住師傅用心制作美食,加上精緻既內部裝修,真正令人未出發先興奮,同行友人一坐低已經瘋狂打卡,明明食物都未上台。我同朋友今日就點左竹炭天婦羅蝦卷,波士頓龍蝦海葡萄沙律,芝士涷肉沙津同埋德國腸拼盤。首先上場既係作為前菜既波士頓龍蝦海葡萄沙律,由於係冷盤既關係,上菜既時候餐廳仲同時上左一個冰盤,相信目的係為左保持低溫。餐廳既用心,係依一個細節位已經可以見到。更重要既係,好多人可能會擔心連冰盤上,沙律會變得太涷,而餐廳係依一方面做得好好,冰塊既作用係類似保溫,沙律入口唔會過涷,而係岩岩好既溫度,只講依一方面既調節技巧都可以睇得出師傅既能力係幾好。味道方面,更加係無得彈,首先龍蝦依個食材既肉質同口感由於係低溫下完全保留住,調味亦都近乎完美。最令我喜出望外既係海葡萄,餐廳用左兩種不同既海葡萄去做依個料理,海葡萄係一種超級食物,但怕冷又怕熱超難處理,不過正正就係前面提到過餐廳係溫度方面既處理,完美發揮左海葡萄依一個食材,超清爽,兩種海葡萄既口感又有少少分別,混合一齊更加係超出我意料既好味,餐廳另外再加上芝麻醬,令到層次更上一層樓,實在係精彩。本身點餐既時候,我以為龍蝦肉係主角,但其實海葡萄先係依個菜既靈魂,非常精彩既一道菜,5星推薦。第二個上菜既係芝士涷肉沙津,餐廳本身已經將芝士同涷肉切粒放入玻璃入面,上菜既時候師傅會係你面前將玻璃打開,將食材放入準備好既沙律低入面,又係一道大飽眼福既菜色。份量方面,唔好睇menu好似得一個玻璃杯,細細份咁,其實成道菜係玻璃杯入面既都係肉同芝士,超級大份,仲要有一份沙律低,同行朋人同我睇到都嚇一嚇,又大份又好睇,重點係又好味,點解可以有咁完美既菜。味道方面,芝士粒同肉粒既口感都係一流,芝士唔會太租,反而係好重芝士味,肉粒既肉味好出色,唔好以為我講既廢話,因為食材有本身濃郁既味道證明左餐廳同既都係新鮮同高級既食材,加上沙律低既新鮮菜及沙律汁,完美配合,真正表現左完美兩個字既一道菜,又係5星推廣!不過美中不足既係餐廳動作太快啦,我影唔切佢開玻璃倒野出黎既一刻,可惜可惜。第三個上場既係德國腸拼盤,拼盤上面有5種唔同特色既香腸,每一款都係唔同口味,有長有短岩晒唔同人既口味。係依到我想講下我食依個菜既時候一個經歷,就係有一條係芝士腸黎,亦都係我最鍾意果條,我第一啖咬落去,啲芝直噴晒出黎,流晒心超邪惡,仲唔小心噴左出走廊,真係有少少對唔住清潔姐姐。如果係愛食德國腸既人,我大力推薦依道菜,餐廳即叫即整熱辣辣,又多汁好味,講係我食過最好味既德國腸都唔過份,大大大力推薦。最後係, 竹炭天婦羅蝦卷,做成壽司既天婦羅蝦卷加上明太子醬,又係一道賣相超好既菜式。影相打卡之選。天婦羅應該係即叩即炸,超脆,食落好爽口,壽司既飯用左燸米,比一舨既壽司更飽肚,紫菜方面,唔係平時食到既紫菜,唔脆但係紫菜味濃,脆既部份由天婦羅補充返,整體黎講配合得非常之好,壽司上面既明太子醬亦起左錦上添花既作用。不過不幸地,由於餐廳既食物真係太大份啦,我同一位同行友人去到依一刻已經完全食唔晒了,所以打包左,但最神奇既地方係打包後脆度依舊,實在係太滿足啦。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-08
1446 瀏覽
好一餐美滿的fusion菜,讓我和朋友可以趕緊在第四波疫情下要取消晚間堂食前,慢慢地品嚐到一頓美味的西/日菜式!🥗芝士凍肉沙律 $98一位不知是店員/店主的親切姐姐把玻璃瓶內被煙燻過的芝士粒、凍肉粒、酸瓜和合桃倒進略帶沙律醋的沙律上。看似平凡,但吃下去令人非常舒服;可能是因為這沙律除了有新鮮蔬菜的爽脆,還有大大粒芝士和凍肉的嚼勁😋😋🍤竹炭天婦羅蝦卷配明太子沙律醬 $108朋友最喜歡上述的沙律,而我最喜歡的正是這個天婦羅蝦卷!天婦羅蝦炸得外脆內嫩,壽司飯暖暖的,加上外層同樣炸過的香脆紫菜,蘸上鹼香滿溢的明太子醬,實在是色、香,味俱全,令人吃後幸福感大增🤗⬆️🍗油浸黃雞配普羅旺斯燴菜 $148這裡是fusion餐廳,吃完日式卷物,當然要吃西式的main course!不要被「油浸」二字嚇倒,因為吃下去這一隻大雞髀,它並不是真的油淋淋,而是外脆內嫩。至於配菜,無論是甘筍的爽和茄子的香,還是焗薯仔的脆和西蘭花的軟,都相輔相成得近乎完美👍🏻👍🏻🍝燴蕃茄雜菜扁意粉 $98朋友覺得這個蕃茄醬汁偏酸,不太喜歡;但我卻覺得正是這種酸令人開胃,而且味道有點似像媽媽在家煮的意粉,加上這意粉有不少綠色蔬菜和菇菌在內,不想吃肉的朋友可以一試🥬🍅 繼續閱讀
(以上食評乃用戶個人意見 , 並不代表OpenRice之觀點。)