影片
更多
2006-10-03
33 瀏覽
坪洲半日遊後，打算去蓮香食晚餐，但冇訂位，要等成個鐘，最後決定去陸羽。一家五口唔想諗，一於叫了個4人套餐，再加一碟楊州炒飯，本想再加一碟明爐叉燒，但侍應叔叔話我o地一定夠食，唔駛再加。海參瑤柱羹-材料十足，味道唔錯。炸鮮奶炒杬仁蝦仁-炸鮮奶又香又滑，不過我懷疑係炸椰奶，因椰汁味好重，味道又稍甜；杬仁蝦仁分量好多，杬仁較油膩，雖然話蝦仁，但隻隻似蝦球咁大隻，好爽口，平時有彈冇讚的老豆，亦非常滿意，食過不停。雲腿鴿片-雲腿好夠味，又唔會過鹹，亦不會有一種油益味。而鴿片亦非常爽嫩，不會因調味料醃得過重，而失去原味，連配角的草菇亦味道好濃，這碟亦被老豆及老公清晒呢。咕嚕肉-我最喜歡的咕嚕肉，竟然係最細的一碟。學kc話齋舊舊都是枚頭豬肉，炸得脆口。只可惜沒有子薑，而甜酸汁味道亦過甜。紅炆石班腩-又是被讚好的一碟，有唔少班腩，舊舊厚肉，沒有一件是霉及一陣雪味。豆腐亦夠滑，墊底的白菜亦不少。楊州炒飯-炒得一般，不過勁多大大的蝦球，並不是蝦仁。甜品是杏仁鮮奶露，不嗜杏仁的我，只淺嚐一口，已經試到好濃烈的杏仁味，不過我估應該唔錯，因為老豆連飲兩碗。最初老豆及媽媽好不願意來的，佢話一早領教過伙計的態度。幸
一家五口唔想諗，一於叫了個4人套餐，再加一碟楊州炒飯，本想再加一碟明爐叉燒，但侍應叔叔話我o地一定夠食，唔駛再加。
海參瑤柱羹-材料十足，味道唔錯。
炸鮮奶炒杬仁蝦仁-炸鮮奶又香又滑，不過我懷疑係炸椰奶，因椰汁味好重，味道又稍甜；杬仁蝦仁分量好多，杬仁較油膩，雖然話蝦仁，但隻隻似蝦球咁大隻，好爽口，平時有彈冇讚的老豆，亦非常滿意，食過不停。
雲腿鴿片-雲腿好夠味，又唔會過鹹，亦不會有一種油益味。而鴿片亦非常爽嫩，不會因調味料醃得過重，而失去原味，連配角的草菇亦味道好濃，這碟亦被老豆及老公清晒呢。
咕嚕肉-我最喜歡的咕嚕肉，竟然係最細的一碟。學kc話齋舊舊都是枚頭豬肉，炸得脆口。只可惜沒有子薑，而甜酸汁味道亦過甜。
紅炆石班腩-又是被讚好的一碟，有唔少班腩，舊舊厚肉，沒有一件是霉及一陣雪味。豆腐亦夠滑，墊底的白菜亦不少。
楊州炒飯-炒得一般，不過勁多大大的蝦球，並不是蝦仁。
甜品是杏仁鮮奶露，不嗜杏仁的我，只淺嚐一口，已經試到好濃烈的杏仁味，不過我估應該唔錯，因為老豆連飲兩碗。
最初老豆及媽媽好不願意來的，佢話一早領教過伙計的態度。幸好今次完全是兩回事，伙計態度服務非常之好，與客人亦有講有笑。最後我真是鬆一口氣。
張貼
