199
53
42
港鐵中環站 D2 出口, 步行約3分鐘 繼續閱讀
電話號碼
25235464
開飯介紹
陸羽茶室於1933年首先在永吉街開業,至上世紀七十年代搬往現址士丹利街;供應茶盅焗茶,以酸枝椅和字畫作裝飾,較有典雅有氣派,充滿懷舊味道,茶室提供多款別具特色的中式點心,部份更是坊間少見的。 繼續閱讀
獎項殊榮
最優秀開飯廣東菜館 (2012)
特色
同客食飯
適合大夥人
營業時間
今日營業
07:00 - 22:00
星期一至日
07:00 - 22:00
付款方式
Visa Master 現金 銀聯 JCB
座位數目
400
其他資料
酒精飲品
自帶酒水 詳細介紹
切餅費 詳細介紹
VIP房
泊車 詳細介紹
電話訂座 詳細介紹
加一服務費
食評 (327)
飲茶向來都係其中一樣外國人黎香港都會必做既事,點心亦都係外國人最鍾意既香港美食之一,但身為香港人既你,如果有一日你要介紹、甚或帶外國人去香港既老字號酒樓,你會諗到邊間?又或者你自己有無去過呢D老字號?連外國人都知既陸羽茶室你又有無聽過或者去過?陸羽茶室我一直都有聽過但就未去過,鍾意飲茶既我諗呢間都未試過既人,點同人講自己鍾意飲茶呢?陸羽茶室係中環士丹利街,樓高3層,以前聽講WALKIN係無可能,但唔知係咪受疫情影響,當日星期日WALKIN就去到,係上年4 月因為受疫情影響曾經一度停業,所以陸羽不再係客似雲來既茶樓。店員帶我去2樓既座位,一去到見到係好古色古香既裝橫,雖然由60年代先轉到呢個地址,但由1933開業至今既歷史味仲KEEP到。-茶位💰36見到寫住咁貴嚇親,係我飲過咁多間最貴,所以就睇吓咩葫蘆買咩藥。話哂佢羅陸羽做佢招牌名,陸羽係被後人稱為茶聖,如果茶唔好飲又收咁貴就枉為呢個名字。呢度同一般茶樓唔同,唔係用茶盅而係用不銹鐵茶壺沖茶,原本要問過先知係可以開茶前要求用茶盅沖茶,咁就唔知用不銹鐵茶壺沖茶會唔會對茶既味道有影響。茶飲落清香,入口甘甜,帶點餘韻,茶飲落茶味都夠,沖左幾次D茶都仲有味,飲完就想去買佢地個茶包睇下係咪都係咁唔錯。-1️⃣ 杏汁白肺湯💰140(👅: 9/10)呢個杏汁白肺湯大概係3-4人既份量,當時我係2個人所以淨係飲呢個都有小小飽,而呢個杏汁白肺湯係點心紙以外要另外點,因為呢個係呢度既招牌之一。呢個湯絕對要趁熱飲,從質感同顏色黎睇係幾稠身,見到係奶白色既湯以為會好濃味,飲落係幾清潤,杏汁幾濃幾香,然後發覺超足料,湯既配料有枸杞、陳皮、紅棗,杏仁既味道無好搶,所以飲落係幾有層次幾豐富。我本身唔太鍾意食內臟,不過呢個豬肺可以接受,因為食落去係入口即溶,炆到非常之腍,我最怕既內臟腥臭味係無,所以係非常之易入口,佢唔係有嚼勁既豬肺,但覺得佢同呢碗綿滑既湯非常配合,豬肺湯平時好難有得飲,因為工序繁複,就算係屋企都會怕麻煩唔想整,所以可以係呢度飲到一碗豬肺份量咁多,絕對係滿足,可以一滴不漏咁飲哂佢,難怪佢係呢度既招牌。-2️⃣ 蝦多士💰300 (👅: 9.5/10)見到都已經食指大動,因為見到成隻蝦係上面,而且聞落好香,但同時好擔心究竟2個人食唔食得哂。蝦多士即叫即炸,唔係用蝦膠,而係用蝦肉原隻開邊,蝦肉鮮嫩,會見到下面既白麵包炸到酥脆、非常香口,雖然佢係炸但入口完全唔油膩,其寶本身食係咩醬都無落,想就咁食返佢個原味道,但之後點完呢個甜酸醬就覺得係有加分,個醬甜酸適中,加落去蝦多士完全係昇華,而且解油膩,個醬就咁食都唔會話好重味。食完覺得呢個係蝦多士既頂峰,要搵好食過佢既蝦多士實在有D難,因為唔覺得油膩,真係一舊接一舊咁食,絕對係陸羽既招牌菜。-3️⃣⃣ 豬潤燒賣 💰60(👅: 8/10)同樣係招牌菜既豬潤燒賣,可以見到豬膶係好大塊,厚度十足,豬潤下面既豬肉球,冇特別修飾,大小偏細,但入口係好滋味,肉味夠重夠香濃,因為我唔係咁鍾意食內臟,嘗試過將豬潤同燒賣一齊食,但豬潤都係會有啲內臟既腥味,我自己個人就麻麻,但我知道呢個豬潤燒賣製作既工序繁複,所以自蓮香樓執咗之後,好小有地方食到呢種燒賣。-4️⃣⃣ 蝦餃💰54(👅: 8/10)一籠有三粒,望落皮薄餡靚,晶瑩剔透,唔算大粒,蝦肉食落夠新鮮同爽,成個蝦餃有水準,但唔算話非常特別好食。-5️⃣⃣ 雞球大包💰54(👅: 8.5/10)因為唔係個個茶樓都有雞球大包,所以一試懷念下,見到個樣真係名副其實既大包, 個包食落夠厚夠鬆軟,內餡有唔小雞肉、蛋同冬菇,雞肉食落夠嫩,呢個包夠足料,食落夠哂飽,而且無expect過啲包幾好食,驚叫太小唔夠飽可以一試。-6️⃣ 蛋黃麻蓉包💰54(👅: 9/10)呢個麻蓉包比雞球大包更出色,但無諗過連呢個包都係雞球大包咁大個,蛋黃麻蓉包呢家都係比較小見所以一試。內涵係非常豐富,麻蓉夠晒多食落好綿,而且咸蛋黃既味好香,唔會過熟,所以個味係幾重下偏甜小小膩,可以再糊口一D,如果多啲人share會更好。-🌟點心都係水準之上,尤其係包點做得特別好,而蝦多士更加係無人能及,算係我香港食過最好食,但價錢實在有啲貴,300蚊8隻係好食但去頣東130有6隻,水準唔會話差太多,白肺湯係抵飲,但其他點心都係比市面貴接近一倍,兩個人食加一賣單400到(事後分析叫多左,300賣單都得),如果為左去食餐好食既點心我諗未必考慮陸羽, 頣東水準夠高性價比都高,但如果你聽左咁多次陸羽都未黎過一次,或者想帶外國朋友一賞香港老味道,抑或好鍾意啲真正歷史悠久、古色古香嘅茶樓,咁我覺得你值得黎一次試下。-👅味道: 9/10🍴環境: 7/10💰消費: $400人均 (服務費: 10%) 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-14
0 瀏覽
之前聽人講過陸羽啲嘢好好食,所以見KKday 有得訂佢個下午茶餐,就訂嚟試吓啦。首先,個環境好靚,由古色古香嘅樓梯行上3樓,已經有幾個打卡位。個人最鍾意食個生炒骨,炒得乾身,唔油膩,我一個人都可以清哂二人份量。另外就係煎粉果連湯,絕對唔同一般嘅潮洲粉果,非常脆口,又有鮮味。個餐有幾款傳統點心,好似豬膶燒賣咁,唔係度度有得食,豬膶好大件,好有風味。至於腿蓉千層餅就更加未見過第二間酒樓有得食,中間係金華火腿做餡,好甘香。另外,依個餐仲有一款係陸羽餐牌上冇嘅點心,就係什果麵包布甸,奶味香濃,食完鹹點,食翻個甜品,零舍滿足! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-01
419 瀏覽
今天在中環辨點事,也約了朋友於中環午飯,選擇了久違了的陸羽茶室11我則覺在這裡見老朋友。水滚茶靚這裡不用懷疑。而讓我最有感覺就是可以用茶盅飲茶,相信巳没有地方再供應茶盅(有其它地方供應茶盅請告知)杏汁豬肺湯到現在仍保持綿厚濃順的湯水,豐富味濃的杏汁绝對其它食店不可做到。除了點心當然點紫薑咕嚕肉,波羅隨時也可吃,紫畺則只可食完這月就不再供應,可謂不時不吃,最好的是紫薑不切片只是角切,大小如咕嚕肉,紫強伴肉放入口裡,倆種搶末的食物不會互相提味,卻提升了味道層次,脆爽鮮甜酸,這才是廣東小菜的精髓。燒賣肉吃得到仍是用手剁,肉綿鬆軟只可在這些堅持傳統做法才可享用,蝦餃,肉爽有旬粒,餃皮不用澄粉,入口不感黏口,在我來說我不相信食物會靚正,當然習慣連鎖店,放題只求量不求精的是不會明白。其實在這還有點像深銷飯堂,中國四大發明粥粉麵飯,如菜牌沒有,而你講得出,而它們又做得到必定為你做,有興趣可一試。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-09
772 瀏覽
以前細細個睇過套謝君豪飾演嘅電影叫《南海十三郎》裡面有一幕幾感人就係坐係陸羽重遇唐滌生一直都想揾機會睇吓現實中宜家嘅香港嘅陸羽係咪真係好似電影入面咁 有個痰罐係枱底 咁耐歷史嘅茶樓係咪仲咁古色古香保存住舊香港風味今次係5月19號星期三平日嚟 本身想前幾日book位都但話平日walk-in食就得5洗卜 陸羽有3層 我哋就被direct去地下嗰層 3個人2點15分左右到 好好彩有卡位坐 都有70%full 一入嚟就已經有陣懷舊嘅味道第一次用茶盎飲茶 第一杯茶由伙記沖 唔似傳聞所講 實際上態度同服務都好好點心紙都有種懷舊嘅感覺 用花碼寫嘅數目字 杏汁白肺湯 $270/例一煲分量可以夠3個人每人飲两碗左右 好重嘅杏仁味 好多豬肺 必叫筍尖鮮蝦餃 $54/籠釀豬潤燒賣 $60/籠蛋煎蟹肉角 $54/3件煎粉果連湯 $84/3件鮮牛肉燒賣 $60/籠白汁石斑筒 $84/籠蛋黃麻蓉包 $54/籠呢個都係必叫 估唔到世界上有咁好味嘅麻蓉連平時對麻蓉冇乜感覺嘅我都覺得好好味 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-01
571 瀏覽
陸羽茶室. 成個格局都係古典味重. 古色古香既感覺. 亦保留住佢地多年來歷史特色. 適逢端午節將近 可以一試呢度既粽. 足料大大隻 一開四剛剛好夠我地分享. 糯米口感軟. 口感不錯. 少少微黏既感覺. 綠豆頗香. 蛋黃麻蓉包大包整多兩籠🤪 冇錯 又係大包. 一開四剛剛好. 覺得味道有點偏咸. 而且個餡唔夠香.總括其他點心. 正常水準發揮. 與其他同類店相比 冇咩特別. 或者呢度食既係佢嘅感覺吧陸羽茶室 (中環)中環士丹利街24號地下至3樓 繼續閱讀
(以上食評乃用戶個人意見 , 並不代表OpenRice之觀點。)