用餐空間都幾大，開放式嘅空間令視野更寬廣，感覺舒適，而且裝修也不錯。
非常時期餐廳都做足抗疫措施，進店前用消毒搓手液搓手，最欣賞佢提供嘅紙袋，俾人用黎裝口罩，貼心到不得了💓
1
老實說，以而家嘅市道，食客真係爭d，但食物絕無欺場，款式多多，而且新鮮。
願望一🌟:想食刺身壽司
沙律，壽司隨便夾，刺身要出示升級貼紙就可以拎，其實有刺身又有特級牛肩胛肉眼都幾抵食。為免浪費，刺身壽司都唔係拎好多，三文魚刺身肉質緊實有彈性，賣相新鮮，油脂細膩分明；而帶子口感鮮嫩美味，味道鮮甜。
願望二🌟:打邊爐
升級之後可以享用特級牛肩胛肉眼，肉質望落不但細緻嫩滑，而且油脂分佈均勻，肉色有光澤，食落肉味香濃而且有咬口。除左牛肉我地都有order美國殼飼肥牛，其實肥牛都好新鮮，不會太肥，不過當食左牛肩胛後，總想再食返😂😂西班牙梅頭豬肉好爽口，咬落彈牙嘅感覺好爽，肉質細膩，好嫩好好食，再encore。好彩冇miss到餃子同魚皮餃，餃子皮薄餡靚，肉汁仍然keep住喺入面，而魚皮餃新鮮彈牙，唔會淥到爛晒，完整一隻隻，豬打邊爐好少食魚皮餃，但試過一隻之後，竟然追加😝
願望三🌟:甜品飲品小食
返左1日工餓到肚都扁，牛牛未滾得熟全靠呢d小食，春卷咖哩角洋蔥圈小丸子，雖然已經冇左新鮮出爐熱辣辣嘅味道，但都算幫到手，滿足肚子需要。甜品方面，啫喱，奶凍，雪糕，乳酪雪糕，糖果，款式多，最勁係朱古力噴泉，呢個黑白配裝置令人讚嘆👍另外木瓜奶凍，係兒時食過嘅嘉頓木瓜雪條味道，好香木瓜味，味道帶甜，但豬非常喜歡。
可以一次過滿足晒咁多個願望，真係要俾💯👍
