喜點.鮮鍋粥底火鍋點心專門店 (已結業)

餐廳好寬敞， 裝修就似普通街坊酒樓，十足人情味。啱啱到時人唔多，但隨住時間入夜，人洗愈嚟愈多， 座無虛席。叫咗A餐， 豐富海鮮加8樣自選餸，只係258，真係物超所值。主菜海鮮有龍蝦、多寶魚、 海蝦 、鮑魚、貴妃蚌、聖子皇 、蜆 、牛小排，樣樣都好新鮮。然後配料選擇甚多， 蔬菜種類都豐富， 任君選擇， 其中韭菜餃特別好食，值得一試。當打完邊爐， 戲肉就係用湯嘅精華煲粥。 只需煲三分鐘， 米已經熟。 每一啖入口， 都充滿湯嘅鮮味。最後，呢到有竹蔗茅根同豆漿任飲，啱哂唔鐘意飲汽水嘅我。